Kohima, June 17: Budbar pringo, Kohima-ni Lower Bayavu-ni NCC Office gitcham sambao rika cho·aniko dakenggipa building-o atchidaldal bi·sa bakgitchakko bakso ning·o gale donanggipako songni manderang naljokataha.
Ia rika cho·ani kamrangko ka·enggipa manderang pringni 6 bajimango ia bi·sa bakgitchakko nikenba songni manderangna u·iataha. Ua jolo songdonggipa me·chik saksa ia bi·sana ta·rake sana bananiko on·a gita uko High School Colony-o donggipa GIVF Hospital-ona rimangaha. Doctor-rang sana bananiko on·a ja·man bi·sako, Naga Hospital Authority Kohima (NHAK)-ona watatskaaha jeon Child Protection Unit bi·sako nirok simsakani daito ra·angskaaha.
Police aro forensic dolrang, bi·sani ma·gipako u·ina aro maini a·sel ia bi·sako galahachim uarangko talna gita am·sandianirangko a·bachengataha. A·bachengo am·sandie man·ani gitade, ia bi·sako man·a skang mangmangsan ia bi·sani ma·gipa uko ia biapon ba sambajolo donggipa biapon man·ahakon ine chanchichipaona sokataha.
Authority-rang ia bi·sani ma·gipako u·ia ong·ode koborrangko on·e dakchakaniko on·china jinmao didiatan baksana kobor on·gipa mandeni gimin darangnaba u·iatjawa ineba janapataha. Iani gisepon, uamangni miksonganide ma·gipako sandianisan ong·aija indiba ma·gipana counselling, sana banani aro nanga ong·ode dakchakanikoba on·a miksongenga ineba uamang aganangaha.
Indake ong·engon, Bayavu Colony Council, jolo songdonggipa manderangni ta·rake ja·ku de·ani a·sel atchidaldalgipa bi·sani janggiko naljokatna man·ahanina uamangko de·mitelataha.
Koborrangko man·soani gitade, bi·sa dao doctor-rangni nirok simsakanio ong·an baksana name an·sengen dongenga.
Na·simang iakoba nina man·gen:
Na·simang iakoba poraina man·gen: A·a ruani a·sel, Pfutsero-Phek-ni mongsonggipa rama champengatako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
