Shillong, Jan 29: Bristibar salo, Meghalaya a·dokni Skotong Minister Conrad K Sangma, a·songni Prime Minister Narendra Modi-ko New Delhi-o grongaha aro Meghalaya Vision 2032-ni ning·o a·dokni silroro namroroanina dakchakaniko on·angkuchina mol·molangaha.
Sangma, Prime Minister baksa agangrikengon Meghalaya a·dokni jakgitelaniko maniani salna uni nama skaniko on·anina mitelpilskaangan baksa a·dokni Living Root Bridge Cultural Landscape-ko UNESCO World Heritage List-o napatchina seokahani gimin mitelpilskaangaha.
Indake, a·dokni tang·doani bidingo janapengon, a·songni Gross State Domestic Product (GSDP)-na bate Financial Year 2022 bilsioni Meghalaya a·dokan tang·dobataha ine Skotong Minister aganaha.
Unbaksana, ma·giparangna aro bi·sarangna sanna bannaniko on·anichi an·pakani somoio ma·gipa aro bi·sani siani namen komiaha ineba ua Prime Minister-na aganaha.
A·dokni silroroanina mongsong ong·e de·enggipa ja·kurangni gimin janapatskaengon, ge·e game cha·enggiparangni man·gniko tang·doatna karkana aro badingani cholrangko mangrakbatataha, Shillong City Project-ni aro tourism-ni tang·doani giminba Sangma janapangaha.
Una agreba, 2027 bilsio ong·atnsienggipa chang 39-gipa National Games-ko a·doko sokachakna tarisamsoani giminba ua aganaha.
Indake uamang, salgro salaramni gipin a·dokrango tang·doani giminba agangrikangaha jeon Sangma, Externally Aided Projects (EAP)-ko bariatna, rika cho·ani kamrango namdapatna aro tangka paisani gita ma·mong sorkarioni dakchakaniko on·angkuchina mol·molangaha.
Meghalaya a·dokni namroro silroroanina niksamsoe tarigimin lekka Vision 2032 plan-ko aro Union Government-oni dakchakaniko on·china mol·mole tarigimin proposal-koba ua Prime Minister-na on·angaha.
Na·simang iakoba nina man·gen:
Na·simang iakoba poraina man·gen: Shillong songjinmao ex-servicemen rally-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
