Shillong, Nov 28: C&RD, GAD aro SAD-ni Minister Sosthenes Sohtun, adita salrangna skang Bengaluru-o Meghalaya House dakchakna ine bregimin sorkarini nok te·sako nieaha. Unbaksana, ua Mumbai-oba Meghalaya House-ko rikna ine brena mangsongenggipa a·ako nieha.
PWD-no (Building) Superintending Engineer M. Nongpluh, da·o dongenggipa Meghalaya House-rango kam ka·enggiparang aro gipin official-rang unbaksa nina re·angpaaha.
Sanna-bananirangko dakna, poraia-skianirangko dakna, kamrangko ka·na aro gipin nanganirangna dal·dalgipa metro songjinmarangona songreanggipa manderangna nambata cholrangko on·na ine sorkari kam ka·enga aro ianoni mingsa mongsonggipa dakna nanggniara India-ni dingtang dingtang bakrango Meghalaya House-rangko bang·bate rikanian ong·a ine Minister Sohtun kobor ra·timgiparangna parakataha.
Uandake ia Bengaluru-o donggipa gital Meghalaya House-ko a·bachengatanichi, poraia-skianirangna, interview-rangna aro janggi tangani cholrangko sandina songreangronggipa bang·a chadamberang aro kam ka·giparangna namen dakchakaniko on·gen ine ua aganaha.
Mumbai-o da·o dongenggipa Meghalaya House-o manderang bang·dugaa aro pilakni nangnikaniko, mongsongbate dingtangmancha sanna-bananiko dakenggipa saenggipa manderangni nangnikanirangko on·na man·jae ine Minister agandapaha.
Ia mangsonggipa biapni bidingo Maharashtra sorkari baksa agangrikanirangko dakengaha, aro GAD department ru·utgija salrangni gisepon damrangni bidingo namedake tik ka·enba, Mumbai-o gitalgipa Meghalaya House-ko rikna ja·kurangko de·gen ineba minister aganangkuaha.
Na·simang iakoba nina man·gen:
Na·simang iakoba poraina man·gen: Delhi-o Tribal-rangni tom•bimonganiko champengna jotton ka•a ine TIPRA Motha-ni dilgipa matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
