Agartala, Nov 28: Re•anggipa Budbar salo, salgro salaram jolo donggipa Tribal manderangni New Delhi-o jinma tom•bimonganiko, ‘bilo ong•enggipa manderang’ champengna jotton ka•aha ine TIPRA Motha dolni dilgipa Pradyut Bikram Manikya Deb Barma matnangatenba, salgro salaram jolo donggipa dingtang dingtang dolrangko bakrimchina gita didiataha.
Pradyut-ni aganani gitade, ia tom•bimonganiko sorkari, changni chang champengna jotton ka•ahachim indiba ia tom•anio laksana baten manderang re•bae bak ra•angtokaha.
Ia tom•bimonganiko ong•atanio, Meghalaya a•dokni Chief Minister Conrad K Sangma, Ajay Edwards, Daniel Langthasa aro dingtang dingtang a•dokni dilgiparang bak ra•angtokaha.
Salgro salaram jolo donggipa dingtang dingtang dolrangni nangrime dolko bikotna sienga ine chanchichipenggipani bidingo janapatengon, da•o dipet iana bimingrangko tik ka•a dongkuja ine Pradyut parakataha.
Salgro salaram jolo donggipa manderangko, Garo, Khasi, Meitei, Hindu, Kristian ba uandakgipa jat ba toromni manderang ine an•tangtangko ma•ekgrikatjachina gitaba ua didiataha.
Salgro salaramni mitam a•dokrangode Uttar Pradesh a•dokni a•ja damsaona baten manderang komibata ine janapatengon, salgro salaram a•dokrang pilakan ku•cholsan ong•genchimode darangba ma•ekatna man•jawa ine TIPRA Motha-ni dilgipa aganaha.
Na·simang iakoba nina man·gen:
Na·simang iakoba poraina man·gen: Pawan Khera, Assam-ni Skotong Minister-ko tangka cha·batsranggipa sorkari ine matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
