Shillong, Jun 3: Re•anggipa bilsio Overseas Nursing Job Fair-ko ong•atanichi da•o Meghalaya a•dokni sak 27 Nurse-rang, Japanese ku•sikko skie ra•manahaode Japan a•songni dingtang dingtang hospital-rango aro sanchakram biaprango kamrangko ka•e cha•na cholrangko man•pagnok.
‘Skills Meghalaya’ scheme-ni bak gita Meghalaya sorkari, Meghalaya State Skill Development Society (MSSDS)-ni ning•o candidate sapraknan gong 50,000 tangkako dakchake on•enga aro ian re•baenggipa bilsirango komibeoba sak 300 nurse-rangko ong•katatna miksongani ong•enga.
Ia program-ni ning•o skie ra•enggipa aro skie on•enggipa manderangko a•dokni Chief Minister Conrad K Sangma grongenba, a•dokni nurse-rangba gipin a•songrangona re•ange kamrangko ka•e cha•na cholrangko man•paengaha ine an•tangni kusi ong•aniko parakangaha.
Gipin a•songrangona re•ange tangka paisarangko kamainasan ong•aigija an•tangtangni u•i-ma•siani aro changa sapanirangko bariatna gita ia cholko ra•china gita ua gipinrangkoba didiataha.
Ia MSSDS aro Health & Family Welfare Department-ni ong•atenggipa ‘Skills Meghalaya’ training program-ara kamrangkosan skie on•aigija gipin a•songrango kamrangko man•e on•na dakchakenggipa program-ba ong•achim.
Japan a•songo kamko ka•na sienggipa sak 27 nurse-rang, ku•sik aro jatni daka rikaniko skie ra•na gita Bengaluru songjinmao donggipa NAVIS-o register ka•aha aro uamangoni sak 25-de N4 aro N5 porikkarangko skanggipa sechengani somoion chu•sokgipa ong•e kamrangko ka•na gita cholrangko man•ahachim.
Ia nurse-rangoni sakbongade da•o visa-rangko man•soaha aro sakgnide re•anggipa May 27 tarikon Japan a•songona re•angsoaha. Bangki nurse-rangni visa-rangkoba da•o tariengaha.
Sak 14 nurse-rangkode dingtang dingtang agency-rang gita Singapore a•songni dingtang dingtang institute-rango donatmanaha aro uamang jagittamni gisepon kamtangtangko jako ra•egnok.
Ia nurse-rangna Bengaluru-ni NAVIS-o sak 10 Japanese skigiparang, Japanese ku•sik aro daka rikanirangko skie on•aha.
Na·simang ia video-koba nina man·gen:
Na·simang iakoba poraina man·gen: LS election-ni result-ko man•asiengon, Shillong-Tura candidaterang jajrengsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
