Shillong, Oct 25: Meghalaya a•doko Aero sports-ko tang•doatna miksonge Meghalaya Aero & Adventure Sports Association (MAASA)-ni dilgiparang, tangka paisani gita dakchakanirangko on•china didie Sombar salo, Khasi Hills Autonomous District Council (KHADC)-ni Chief Executive Membor (CEM)-ko grongeaha.Meghalaya a•dokara a•briarigipa biap ong•e paragliding, backpack pilot aro paramotoring gita dakgipa kal•susaanirangna namgipa biap ong•ani gimin ia Aero sports-ko tang•doatna gita MAASA, KHADC-ni dakchakaniko bi•eaha.

Indake ong•engon, iani bidingo proposal-ko on•china KHADC-ni CEM didiatenba, ua an•tangni gadango tangka paisani gita dakchakanirangko on•na ku•rachakataha ine MAASA-ni president Desmond Nongkhlaw parakataha.

Nongkhlaw-ni parakatani gitade, Aero sports-o training-ko ra•na gita pilot sakprakan ja 6 ba ja 8-mang training-ko ra•chengna nanga aro iana training-ko ra•ani korosara name rakani giminsa uamang tangka paisani gita dakchakanirangko on•china KHADC-ko mol•molenga.

Aero training-o gisik nanggipa chadamberangna MAASA, ia bilsini December 6 tarik dipet a•doko a•bachengatgen ineba MAASA-ni president parakataha.