Shillong, Sep 20: Meghalaya a•doko All India Institute of Medical Sciences (AIIMS)-ko kulichina gita a•dok sorkari, ma•mong sorkariko didina manchiangaha.

Iani bidingo Assembly-ni Autumn Session-o sing•anirangna aganchakaniko on•angengon, Meghalaya a•doko AIIMS-ko kuliani bidingo ua Chief Minister baksa agangrikmanaha aro da•o uamang ma•mong sorkari baksa agangrikanggen ine Budbar salo, a•dokni Health Minister Ampareen Lyngdoh parakataha.

Meghalaya a•doko AIIMS-ko kulichina gita mol•mole, a•dokni Chief Minister Conrad K Sangma, India sorkarini Health Minister-na ‘Demo Official’ chittiko tariengaha ineba Lyngdoh parakataha.

Iana skang, Meghalaya a•dokni NEIGRIHMS-koba AIIMS gita dakgipa institute-ni gadangona ra•doatchina a•dok sorkariko didiangengon, Meghalaya a•dokoba AIIMS gita dakgipa institute-ko kulina man•genchimode a•dokni manderangna bang•en namgni ong•genchim ine Opposition Congress dolni dilgipa Ronnie V Lyngdoh, Assembly-o aganaha.

Iakoba poraie nina man·gen: CM-ni kosako Mukul-ni matnanganiko Assembly Speaker ra•galata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub