Shillong, May 13: Meghalaya a•doko bangki dongkuenggipa oxygen-rangko Bristibar salo a•dok sorkari niangenba, da•o dipet a•doko chu•onga gitan oxygen dongkuenga ine manderangko jajrengjachina didiataha.
Iani bidingo kobor ra•timgiparangna talatangengon, uamang ta•raken oxygen generator-ni ge 6 unit-rangko Shillong Civil Hospital-o kuligen aro ia unit-rangko mikkang antionin a•bachengatgnok ine a•dokni Deputy Chief Minister Prestone Tynsong parakataha.
Ia hospital-o oxygen generator-ko a•bachengatahaode cylinder-ko nangani komignok aro gitchagiparangkoba a•dokni dingtang dingtang biaprangona sualatskna man•gnok ineba Tynsong parakataha.
Deputy Chief Minister-ni parakatani gitade, Tura, Jowai, Nongpoh aro uandakgipa gipin a•jani headquarter-rangonaba oxygen generator-rangko ra•baengaha aro ia oxygen generator-rang antisamangni gisepon a•dokona sokbagnok.
“Oxygen generator-rang sokbaahaon chinga uarangko hospital-rango donatgnok aro ia generator-rangko June jani skanggipa antiode a•bachengatna man•gnok,” ine Tynsong parakataha.
