Shillong, Jan 23: Meghalaya a•doko class 9 aro class 10-ni Science aro Mathematics subject-rangna QR Code donggipa Textbook-rangko Bristibar salo, a•dokni Education Minister Rakkam A Sangma, Shillong songjinmani State Convention Centre-o a•bachengate on•angaha aro ian India a•songni salgro salaram jolo skanggipa changna iandakgipa textbook-rangko a•bachenganiba ong•aha.
Ia QR Code donggipa textbook-rangko a•bachengate on•anganio a•dokni Education Minister, jinmana aganprakangengon, ia textbook-rangko a•bachengatna kamrangko ka•dilahani gimin Meghalaya Board of School Education (MBOSE)-ko mittelpilangenba, ian skigiparangna aro chatro chatrirangna, mongsongbate songadam nokadamrango bang•en dakchakaniko on•gen ine an•tangni ka•dongchakenganiko parakangaha.
A•songni gipin a•dokrango gitan Meghalaya a•dokoba lekka porani gadangko tang•doatna nangengani giminba Sangma aganangaha.
Ia QR Code donggipa ki•taprangni gamchatgipa ong•ani bidingo janapangengon, ia ki•taprango Mathematics aro Physics subject-rangni gimin name talate on•a aro ua an•tangba ia ki•tapko poraie nion, uni poraiengmiting somoirango ma•sigijagipa subject-rangko da•o ma•sina man•aha ine Education Minister parakataha.
Ia ki•taprangko a•bachengate on•anganio, Education department-ni advisor HM Shangpliang-ba jinmana aganprakengon, ia QR Code donggipa ki•taprangko a•bachengataniara, Meghalaya a•doko lekka porani kamrango mingsa chu•sokgipa ong•aniko mesokani ong•aha aro ian lekka porako on•anio chagrongna nangenggipa dingtang dingtang neng•nikanirangko chel•chakna dakchakani ong•gen ine parakataha.
Ia QR Code donggipa ki•taprangko a•bachengatanichi, songadam nokadamrango donggipa chatro chatrirangba da•ode jillarango donggipa chatro chatrirang gitan apsan lekka porani gadangko man•gnok ineba Shangpliang aganaha.
Na·simang ia video-koba nina man·gen:
Na·simang iakoba poraina man·gen: Netaji Subhash Chandra Bose-ni chang 128-gipa atchiani salko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
