Shillong, Feb 12: Meghalaya Sorkari uni skigiparangna Structured Pay Framework-ko (SPF) a·bachengatenba, bang·a dingtanganirangko ra·bae hajalni hajal skigiparangna nambata janggi tangani cholrangko on·na ku·chakangaha.
Uandake, ia gital framework-ko April 1, 2026-oni dipet ra·gatgen ine Education Department February 12 tariko parakataha.
Ia gitalgipa SPF, SSA-ni skigiparangna (LP&UP), RMSA-ni skigiparangna (Secondary & Higher Secondary), Adhoc-ni skigiparangna, 4-gipani skigiparangna (UP), Science aro Hindi Grant man·gipa skigiparangna aro fixed remuneration-ko man·enggipa Pre-Primary skigiparangna ong·gen.
Iani ning·ao skigiparang uamangni kam ka·ani bilsirangni kri tik ka·gimin Base Pay, Base Pay-ni 3% Composite Annual Increment (CAI), kam ka·enggipa aro rakkienggipa dolprakoni 8% on·gipa Centralised Provident Fund-ko (CPF) man·gen. Skigiparangni kamrangko nigrike Headmaster-rang, Headmistress-rang ba Principal-rang bilsianti dormaharangko bariatanirangko dakanggen.
Gital dormaha on·anirangara:
₹21,000–₹22,680 – Lower Primary-ni skigiparangna
₹24,250–₹26,190 – Upper Primary-ni skigiparangna
₹34,250–₹36,990 – Secondary-ni skigiparangna
₹36,500–₹39,420 – Higher Secondary-ni skigiparangna
Iano Composite Annual Increment-kode chanchapjaha.
Kam ka·ani bilsirang baksa uni kri CPF aro increment-rangko chane dormaharangko bang·bate man·gen.
Uandake, SSA aro RMSA-ni skigiparang uamangni kam namani kri aro be·en an·seng-baljoke dongani kri bilsi 58-ona kingking kamrangko ka·angna man·gen. Indake ong·genchimoba, iandake dakna on·anichi kamni regularisation-ko man·ani ba sorkarini ning·o chakri ka·ani ine chanjawa ine ia u·iatanio parakataha.
Ia framework-ni ning·ao ong·gipa skigiparang sorkarini ning·o ka·giparangna dormaharang ba man·gnirang dake apsanko man·jawa, aro kam ka·enggipa authority-rang baksa dingtangmancha ku·chakgrike soi ka·aniko dakna nanggen.
SSA, RMSA aro 4-gipa skigiparangni dormaharangko uamangni bank account-rangona watatgen. Gipin dolni skigiparang, School Management Committee-oniko No Objection-ko on·na nanggen.
Uandake, chatro-chatrirangni kri skigiparangko tikatna ba meliatna, skulrangko chapdimna ba skigiparangko nangnikachi watani bilko sorkari rakkianggen ineba u·iataniko on·angaha.
Ia u·iataniko Meghalaya Sorkarini Commissioner & Secretary, Education Department, Vijay Kumar Mantri parakataha.
Na·simang iakoba nina man·gen:
Na·simang iakoba poraina man·gen: Chang 31-gipa St. Joseph Sodality Convention a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
