Williamnagar, Feb 13: “Angni na•simangna agangimin kattarangchin na•simang rongtalatako man•a” ine pangchakaniko done, February 13 tarikoni 15 tarikona ong•atenggipa St. Joseph Sodality Convention 2026-ko Williamnagar-ni Sacred Heart Parish-o a•bachengaha.
Ia convention-ni gimin Diocesan St. Joseph Sodality-ni Director Fr. Lyngdoh T. Sangma talate on•angchengaha. Iani ja•man mongsonggipa ong•e sokgipa Tura-ni Auxiliary Bishop Jose Chirackal, Convention-ni nisanko songe on•angaha aro jinma St. Joseph Sodality-ni anthem ba ring•aniko ring•e, joljol convention-ni mombatirangkoba so•angaha.
Ia convention-ko, mongsonggipa sokgipa ong•e Tura-ni Auxiliary Bishop Jose Chirackal, Williamnagar-ni MLA aro Cabinet Minister Marcuise N. Marak baksana Williamnagar-ni MDC Alphonsush R. Marak-ni dongpaanio pandalko ribbon rate oprake pandalna pattianiko on•angaha.
Pandal oprakani ja•man rimchaksoani gitko ring•e sokbagiparangko rimchaksoaha aro joljol Moris M. Momin rimchaksoani kattarangko aganangaha. Indake joljol mongsonggipa sokgiparangko mande ra•aniko dakangaha.
Ia tom•anio, Williamnagar-ni MLA aro Cabinet Minister jinmana aganprakengon, ua MLA aro minister-ni gita agana sikjaenga indiba saksa bebera•gipa gita agana sikenga ine aganchengenba, A•chik a•songni kona noksikoni ia convention-ona sokbagiparangko nike katchabeaha ine aganaha. Ua Rongtalgipa Joseph-ko gisik ra•ate, pagipa sakantikon rongtalgipa Joseph gita ong•china agan-ku•pattiangaha.
Ia convention-o mongsonggipa sokgipa Bishop Jose Chirackal, ia convention-o dongpana man•e aro sokbagiparangna bichakna man•e kusi ong•aniko parakangengon, Pope Lio-ni sakbonga rongtalgiparangko mingataniko parake, uamangoni sakbride ramram manderangan ong•achim ine jinmana parakataha. Ia indake dakanichi Catholic Mondolio ramram manderangni gamchataniko mesoke on•aha ineba ua parakataha.
Na·simang iakoba nina man·gen:
Na·simang iakoba poraina man·gen: APCC, Congress dolni worker-rangna special training camp-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
