Boko, February 13: Assam Pradesh Congress Committee (APCC), 2026 bilsini Assembly Election-na tarisamsona gita dingtangmancha training program-ko, 27 No. Chamaria Assembly Constituency-ni ning·o donggipa Gorimari Regional Community Hall-o ong·atangaha.
Chaygaon-ni MLA Rakibuddin Ahmed, APCC-ni ku·wattimgipa Aman Wadud, advocate Rafiqul Islam aro Kurban Ali, APCC Kisan Morcha-ni Vice-President Mehebub Ali baksana MLA gitchamrang jekai Gopinath Das aro Fazlur Rahman-ba ia dingtangmancha ong·atgipa training camp-o dongpae bak ra·angpaaha.
National trainer Ayush Pandey, ia session-ko a·bachengate on·ani gisepon, Happy Gogoi aro Anowar Hussain-ba ia tom·anio jinmana aganprakaniko dakangaha. Nurul Islam aro Taizuddin Ahmed-ko man·chape jolni dilgiparangba iano dongpae bak ra·angpaaha. Rakibuddin Ahmed, bang·a songni manderang baksana booth-level-ni worker-rang ia workshop-o bak ra·angpaaha ine u·iatangaha.
Congress Election Committee, Guwahati-ni Rajiv Bhawan-o re·baenggipa February jani 16 tariko gronggrikanina daken ine parakatengon, AICC Screening Committee-ni Chairperson Priyanka Gandhi, election-na tarisamsoaniko nirokna ta·raken Assam-ona re·bagen ineba u·iatangaha.
Ahmed, a·dok sorkariko vote pu·ongiparangni bimungrangko den·galan baksana voter list-rangko tol·e taria aro Congress dolni manderangna sinjetaniko on·enga ineba matnangataha. Una agreba, uamangni dol jolo songdonggipa manderangna pangnan chakpaaniko on·gen aro uamangni bil-na dakgrikangkugen ineba ua agandapangkuaha. Re·baenggipa election-o party-tangko mangrakbatatan baksana kam ka·rimska worker-rangni gisepo gisik nangbatataniko ra·baani baksa ia camp-ko matchotataha.
Na·simang iakoba nina man·gen:
Na·simang iakoba poraina man·gen: Zubeen Garg-ni siani bidingo kachari Discharge Petition-rangko knachakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
