Guwahati, January 13: Sukrobar salo, Guwahati-ni Kamrup Metropolitan District and Sessions Court, mingsinggipa git ring·gipa Zubeen Garg-ni siani bidingo bichal ka·anirangko knaangaha, jeon uni jikgipa Garima Saikia Garg mikkangpa·angaha.
Ia obostani bidingo da·o discharge petition-rangko knaanirangko aro matnangako man·gipa sakdok manderang chong·motan Shyamkanu Mahanta, Siddharth Sharma, Sandipan Garg, Shekharjyoti Goswami, aro PSO-rang Nandeswar Bora aro Paresh Biashya-ni kosako mokordoma ka·anirangko dakenga. Matnangako man·gipa manderangba kachario bichal ka·anirango video conference-gita bak ra·angaha.
Uandake da·o, matnangako man·gipa, Shyamkanu Mahanta-ni on·atgipa petition-rangko knachakanirangko dakenga, jean uni bank account-rangko ong·gija dake jakkalanirangko janape ge·gittam petition-rangko ka·angaha ine Guwahati High Court Advocates Association-ni President Apurba Sarma aganangaha. Siddharth Sharma-ba ge·gittam petition-rangko ka·e, ia case-oniko uko watchina aro coroner court-ni document-rangko, jekai kachario on·gipa lekkarangni digital copy-ko on·china ine mol·molangaha.
Mahanta-ni petition-rangko kachari knachakaha, indiba Sharma-ni bidingode, prosecution-oni jegalanirangko dakaha ine Sarma aganangaha. Una agreba, Shekharjyoti Goswami-ba an·tangni bimungko ra·galchina petition-ko on·angaha, aro ru·utgija salrangni gisepon prosecution uni jegalanirangko on·gen ine nichaksoenga.
Pilak petition-rangkon February 16 tariko knachakanggen, aro ua salon kachari nanggipa hukumrangko on·anggen ine ka·dongsoenga ine ua aganangaha.
Indake ong·engon, Siddharth Sharma iana skangba an·tangko ia case-oniko ra·galchina discharge petition aro argument-rangko on·aha aro uko February 16-o nianggen ine Zubeen sagini jikgipa Garima Garg kobor ra·timgiparangna parakataha.
Apsandakanggipa petition-kon Shekharjyoti Goswami-ba on·angaha ineba Garima Garg janangaha, aro Siddharth Sharma-ni company aro nokni bidingoba changgipino knachakaniko dakanggen ine agandapangaha.
Na·simang iakoba nina man·gen:
Na·simang iakoba poraina man·gen: 2026 bilsini Union Budget-ara a·jao namroro silroroaniko ra·bana miksonganio ong·a ine Shillong-ni BJP dilgiparang agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
