Shillong, Mar 20: Shillong Lok Sabha constituency-ni MP-na seokako man•genchim ong•ode Khasi aro Jaintia Hills a•jarango namroro silroroaniko ra•bana gita ua songni nokni dilgiparang baksa nangrime kamrangko ka•gen ine Budbar salo Shillong parliamentary constituency-ni NPP candidate Ampareen Lyngdoh, East Jaintia Hills a•jani Jalaphet-o donggipa NPP Sutnga-Saipung Block-ni party worker-rangko grongani somoio ku•rachakaniko on•angaha.
Shillong constituency-o susana gita me•chik candidate-ko seokahani gimin constituency-ni manderangko mittelpilangengon, ia Lok Sabha election-o an•tangko MP-na seokchina gita NPP-na kam ka•giparangko Lyngdoh didiangaha.
Lyngdoh-ni aganani gitade, songo noko manderangni neng•nikanirangko ma•sie ra•enba Parliament-o ku•rangko on•na man•na gita ua songni nokni dilgiparang baksa nangrime kamko ka•gen.
Ia tom•anio NPP-ni national general secretary aro a•dokni Deputy Chief Minister Sniawbhalang Dhar-ba dongpae jinmana aganprakangengon, NPP-chi dilenggipa MDA sorkariko tangka paisa cha•a ine matnangrongengani gimin VPP-ni dilgiparangko raken jegalataha.
Na·simang iakoba poraina man·gen: NEHU Tura Campus-o jo•ong so•otani samrangko jakkalani bidingo skie on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
