Shillong, Dec 7: Meghalaya Pradesh Congress Committee (MPCC)-ni gital president-ko seokanio CLP-ni gitcham dilgipa Mukul Sangma aro gipin membor-rang baksa maming agangrikchengani grisa seokaha ine Congress doloni ong·kate All India Trinamool Congress (AITMC)-o napanggipa MLA-rang matnangtokengon, MPCC-ni president-ko seokanio saksanchide kamko ka·na man·ja aro Congress dolni niamrango pangchake aro pilak membor-rang baksa chanchirimchengani ja·mansa seokaha ine Meghalaya a·doko Congress Legislature Party (CLP)-ni gital dilgipa Ampareen Lyngdoh parakatskaaha.
“Congress dolo pangnan niam gitasa kamrangko ka·a aro membor sakantian an·tangtangni nangnikanirangko aganna cholko man·a. Bye-election-ni somoio chinga bang·en tom·anirangko ong·atahachim indiba Congress-oni ong·kate katgipa MLA-rang darangba an·tangtangni nangnikanirangko aganjaha. Bye-election matchotani ja·mande uamang MPCC-ni gital president-kosa matnange ong·kataha,” ine Lyngdoh parakataha.
Congress doloni ong·katani ja·man da·o uamangko matnange dongaigija, uamangni jako kamrangko pakwatchina gitaba ua Congress doloni ong·katgipa sak 12 MLA-rangko didiataha.
“Angni chanchiani gitade, chingni party uamangna an·tangtangni nangnikanirangko aganna gita somoirangko chu·onga gitan on·ahachim indiba uamang doloni ong·katna nangniktokaha,” ine Lyngdoh aganaha.
Indake ong·engon, KHADC-oba Congress MLA-rang, Mukul Sangma aro gipin MLA-rang baksa Trinamool Congress-o napangna sienga ine koborrangko man·soaha.
