Shillong, Nov 24: Mongolbar pringo, West Jaintia Hills a•jani Mukroh songo, Assam police aro forest guard-rangni skatang goanichi Meghalaya a•dokni mande sakbonga aro Assam-ni forest guard saksa siangna nangahani gimin ia a•selni bidingo Central Bureau of Investigation (CBI)-chi sandirokaniko dakna gita Union Home Minister Amit Shah ku•rachakataha.
Met Hon’ble Union Home Minister, Sh. @AmitShah Ji today with our Cabinet colleagues to apprise him about the unfortunate firing incident in Mukroh village that claimed 6 precious lives.@narendramodi @himantabiswa pic.twitter.com/hAKF1H8vfx
— Conrad Sangma (@SangmaConrad) November 24, 2022
Bristibar salo, Meghalaya a•dokni Chief Minister Conrad K Sangma, New Delhi-ona re•angenba, ia a•selni bidingo NIA ba CBI-chi inquiry-ko dakatchina Union Home Minister-ko didiangani ja•man, ia a•selko CBI-chi sandirokatna gita Union Home Minister ku•rachakataha.
Shared with Hon’ble Union HM that the root cause of the tension that has been building up in the area and the other areas has to do with the long-pending border issue between Assam & Meghalaya.
— Conrad Sangma (@SangmaConrad) November 24, 2022
Ia a•selni bidingo CBI-chi inquiry-ko dakchina gita Assam sorkariba, Union Home Minister-ko didiangahachim.
Union Home Minister Amit Shah-ko grongeani ja•man kobor ra•timgipa manderangna talataniko on•angengon, Mukroh songo Assam police-rangni goanichi dosgri manderang siangna nangahani gimin ia a•selko NIA ba CBI-chi sandirokatchina uamang Union Home Minister-ko didiaha aro ua ia a•selko CBI-ni sandirokatna ku•rachakataha ine Meghalaya a•dokni Chief Minister Conrad K Sangma parakataha.
