Ampati, Feb 27: Meghalaya a•dokni dam 59 constituency-rango gital MLA-ko seokna gita Sombar salo, pu•onaniko ong•atahaon, Songsak aro Tikrikilla constituency-rango Trinamool Congress (TMC)-ni candidate ong•e susaenggipa Dr Mukul Sangma-ba Ampati-ni Chengkompara polling station-o pu•onangaha.

Dr Mukul Sangma-ni jikgipa aro Mahendraganj constituency-ni TMC candidate Dikkanchi D Shira baksana uamangni demechik aro Ampati constituency-ni TMC candidate Miani D Shira-ba Chengkompara-ni Nokat Govt LP School polling station-o pu•onangaha.