Aizawl, March 12 : Mizoram-ni Skotong Minister Lalduhoma, Ukraine-o dakgrikanggipa gitcham sipairangko man·chape gipin a·songni dakgrikgipa sipai dolrangba, Myanmar-ni Chin a·dokona sorkarini kosako bobil dake chakatgipa dolrangna dakgrikani bidingo skie on·a gita Mizoram gita napbaenga ine koborrangko man·soenba an·tangni jajrenganiko parakataha.
Sak 40 Assembly member-rangna aganengon, ia nanggrikanirango India-ni Salgro Salaram jolni sima ari-rango nangchakaniko man·aba donga ine mikrakataniko on·ataha. Una agreba, 2024 bilsini June aro December jarangni gisepo Mizoram-ona gipin a·songoni songrebagiparang mongsongbate U.K aro U.S a·songrangoni re·bagiparang banggenchim ong·oba, adita manderangkosan Aizawl-ni jinma roram biaprango nikna gita man·aia ineba janapataha.
2024 bilsini June 19 tariko, Lenpui Airport-o, British a·songni Daniel Newey-ko jakkalkugijagipa gulirang baksa rim·ani bidingoba ua janapatkuaha.
Myanmar baksa km 510 sima ari man·pagipa Mizoram a·doko, millitary-rangni sason ka·na a·bachengaoni Myanmar-oni katnapbagipa sak hajalni hajal manderangna ma·chakaniko on·enga.
Na·simang ia video-koba nina man·gen:
Na·simang iakoba poraina man·gen: India aro Mauritius-ni PM-rang mingchet MoU-o soi ka•grika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
