Dimapur, Feb 10: Nagaland Assembly election-koba re•baenggipa February 27 tariko ong•atengani gimin election-na tarisamsoanirangko nipilna aro dolgnini gisepo bakrime kamrangko ka•angkuna gita Bristibar salo, North East Democratic Alliance (NEDA)-ni convenor aro Assam-ni chief minister Himanta Biswa Sarma, Nagaland a•dokni chief minister Neiphiu Rio, deputy chief minister Y Patton aro BJP-ni state president Temjem Imna baksa Nagaland a•dokni Chumoukedima-o donggipa Niathu Resort-o tom•aniko ong•atangaha.
Tom•a matchotani ja•mano kobor ra•timgiparangna talataniko on•angengon, Nagaland Assembly election-o maikai BJP aro NDPP dolgni susagen, uarangni gimin ia tom•ani chanchirimangaha ine Nagaland chief minister Neiphiu Rio parakataha.
Seat-rangko 40:20 dake sualgrikna dolgni tik ka•grikmanaha ine janapatengon, ia election-o uamang melie susagrikjagenchimoba seat sualgrikaniode dolgnian dolsa dolgipinko dakchakgrikgen ine Rio parakataha.
2018 bilsini Nagaland Assembly election-o NDPP aro BJP dolrang sorkariko rikahachim aro ia changoba uamang nangrime susataiengachim.
NDPP aro BJP dolgnian da•o gnigipa changna Nagaland a•doko sorkariko rikpiltaina ka•dongenganiko parakataha.
