Kohima, July 07: Salgnina dontonggija mikkarang jimbee waanichi Nagaland-o bang·a neng·nikanirang, chi bananirang, ge·a-gamanirang, nok -jamrang aro uandakgiparangni nosto ong·anirangko man·aha. A·doko warongana bate 393% mikkarang waaha, uandake India Meteorological Department (IMD) indake waaniko “Large Excess” ine aganaha. Ong·rongbewalode, Nagaland-o salgnina 10.1mm mikkarang waronga, indiba ia changed 49.8mm waaniko nikna man·aha.
Mikka jimbeani a·selo Dimapur-ni antidamrango bang·a nosto ong·anirangko nikna man·aha, aro biap ongiparang chi banani a·sel napsrimaha. Bijoli nangani a·sel sakgittam manderang siaha ine koborrangko man·aha aro sildorengni re·gipa sorokrang chio napsrimani gimin Dimapur Airport-o sildorengrangko chalaianirangko dikdiksana dontongatchengna nangaha. Dimapur-oni Kohima-ko nangdimatgipa mongsonggipa rama, National Highway 29-oba a·arang be·ruruani a·sel da·o manderang re·rurana man·jaenga.
Pangnana bate 423% bate mikka jimbee waanirangko man·e, skotong songjinma Kohima a·jaoba bang·a a·a be·ruruanirang aro chi bananirangko nikna man·aha. Mokokchung a·jaoba mikka jimbee waani a·sel 9cm ong·e mikka bitchirangko man·aha.
Nagaland State Disaster Management Authority (NSDMA) mikka jimbee waanirang aro mikka kimprete balwa rakanirangna mikrakatsoaniko on·ahachim. Mikka balwa rakangkugen ine IMD-ni agansoaniko man·e, a·dokni dilgiparang namen mikrake dongenga. Manderangko jokatna aro pilak nangarangko sokatna sorkarini kam ka·engon, songdonggipa manderangna name simsake dongchina aro a·dokni ba a·jani u·iatanirangko name knachakchina mol·molaniko on·atenga. Nokrang, pokkrirang, mi a·palrang namen nosto ong·ahani gimin, a·sel ong·gipa biaprango cha·ani-ringanirangko man·ani bidingo namen so·sojengjeng ong·anirangko nikna man·enga.
Na·simang ia video-koba nina man·gen:
Na·simang iakoba poraina man·gen: Skigipani drae til·leka ja·man chatri saksa kae sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
