Dimapur, March 16: Nagaland a·dokoni saksa bilsi ru·utbate janggi tanggipa buchuma Pupirei Pfukha, chu·gimik bilsi 121 gape mija Butbar attam 7 bajimango uni atchiram songtang Kigwrma songo a·gilsakko watangaha.
Sina skang ua, su·gipani demechik Arheno baksa donge janggi tangangaha.
Koborni gitade, Pfukha bilsi 80 jolon mikron nikani komiaha aro adita bilsirangna skang mangmang nachilba knajaha, jeni a·salan ua chrike aganakosan alamila knaaiahachim.
Pupirei, janggi tangna jora-ripengko basee Vichapa Pfukha-ko bia ka·aha aro uamango depante sakgittam aro demechik saksa dongachim. Uamangni depante dal·batgipaan Nagaland-o matric pass ka·chenggipa, graduate ong·chenggipa aro gazetted officer ong·chenggipaba ong·achim jean 1989 bilsio a·gilsakko wate re·angsona gita nangaha.
Pupirei, uni su·gipa sak 18 aro su·gipani dedrang sak 56 aro su·gipani deni-dedrang sak 12 baksa chu·gimik bilsi 121 gape janggi tangangaha.
