Dibrugarh, Dec 21: Namrup Fertilizer Surakshya United Forum, Assam a·doko bang·bata karkanarangko ra·bana dakchakgen inenba, Namrup-o gital urea plant ba karkanako rikna miksonganiko namnike ra·chakaha. Forum-ni President Tileswar Bora, ia karkanako rikna re·baenggipa December jani 21 tariko Prime Minister Narendra Modi pangchakani ro·ongko songe on·anggen ine u·iataha. Ia project-ara gong kror 11,000-ni ong·a aro bilsiantin iano 1.2 million metric tonne urea-rangko bikotgen.
Indake ong·engon, salprako 900 metric tonne urea-rangko tarienggipa aro bilsi 38-na chalaibaenggipa Namrup-3 plant-naba jajrengchakaniko Bora janapataha. Ia plant-ko name taridape jakkalgenchimode bilsi 10-nan baiangkugen ine Project Development India Limited (PDIL)-ni am·sandie nianio nikna man·aha ineba ua parakataha. Forum-ni gita ia plant-ko taridapna gita Ministry of Chemicals and Fertilizers-oniko kror 500 tangka paisarangko bi·ataha, maina iano sak 400 mangna bate kam ka·e cha·giparang gnang. Ia gitalgipa plant-ko ra·baaniara namgipa ja·ku de·ani ong·genchimoba, a·dok sorkari da·o dongenggipa plant-koba name nirokna nangao ga·aka maina ia gital rikenggipako a·bachengatna gitade bilsi 6 ba 7 rang nangnaba donga ineba Bora u·iataha. Iani bidingo chakpaaniko on·ahanina ua MLA Taranga Gogoi-koba de·mitelataha.
Iani gisepon, India a·songni game ge·e cha·giparangni urea chu·ongginani a·sel chagrongna nangenggipa neng·nikanirangni bidingo u·iatengon, iani a·selan game ge·e cha·giparangko ureako tangka bate brena aro gipin a·songoniko ra·baenggipa bosturango pangchake janggi tangna draatako man·a ineba ua janapangkuaha.
Indake ong·engon, Assam Valley Fertiliser and Chemical Company Limited (AVFCCL)-ni Managing Director Sib Prasad Mohanty, da·o dongenggipa BVFCL plant, bilsiantian 0.2 million metric tonne urea-rangko bikote on·ani gisepon, ia gital rikna sienggipa plant bilsio 1.27 million metric tonne-rangko bikote ong·angskagen ine talate on·angaha.
Ia gital rikna sienggipa project-ara gong kror 10,600-ni ong·a, jekon bilsi 4-ni gisepo matchotatgen aro iano sak 425 mangni gita direct job aro ge 2500 mangni gita indirect job ba kamrangko nakatatgen ineba ua u·iate on·angaha. BVFCL-o kam ka·enggiparang kamtangtangko gimaatgnok ine jajrengna nangjawa maina uamangko gital company-ona nigrike rakkianiko dakanggen ineba ua ka·donganiko on·angaha. Ia gital rikna sienggipa plant-o tarigipa urea-rangko Nepal, Bhutan aro Myanmar-rangona watatgen.
Ia project-o Assam sorkari 40%, Oil India Limited and National Fertilizers Limited 18%, Hindustan Urvarak & Rasayan Limited (HURL) 13 % aro BVFCL 11% mangni gita bak man·paengon, BVFCL a·a baksana project-na nanggipa gipin nangan bosturangko on·angskagen.
Na·simang iakoba nina man·gen:
Na·simang iakoba poraina man·gen: Maniani somoio koros ka•na aro gamna nanggiparangko dakna M’laya sorkari kror 1,603 tangkarangko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
