Shillong, Oct 17: October 12 tariko Delhio ong·atgipa National Science Seminar 2023o Little Flower School, Malki-ni chatri, Sofie Balarisha Rangtong gnigipa boksisko man·e schooltangna aro a·dokna rasongko ra·baaha. Ua class XI-o poraienggipa ong·a.
Gnigipa ong·ani boksisko man·an baksana ua re·baenggipa bilsi gnina kingking japrako Rs 2000 ka·e scholarshipko man·gen.
Sofie, State National Seminar ong·atgipao skanggipa biapko man·ani gimin National Science Seminaro bak ra·na gita seokako man·aha.
Indakgipa seminarko ong·atana National Science Centreko mittelengon, an·tangni u·i-ma·sianio apalbatna chol man·ahani gimin kusi ong·aniko Sofie aganaha.
Schoolni syllabuso donggijarangkoba u·ie ra·na man·ani gimin kusi ong·beanikoba Sofie parakaha.
“Schoolna aro a·dokna rasongko ra·bana man·ani gimin anga kusi ong·a” Sofie aganaha. Uni dingtangmancha gisik nanggipara biology aro ua cardiologist ong·na miksongani gnang ineba aganaha.
District aro state-level seminarrangko bak ra·na seokahani gimin Sofie uni skigipa Joydeep Dasko mittele aganaha.
Sofie-ni nambee chu·sokania darangnan rasong chaani katta ine Little Flower Schoolni Headmistress Sr. Meris Dkhar aganaha.
District-level seminaro bak ra·china gita DSEO uamangni schoolnaba kobor on·ataha, aro uano Sophie skanggipa boksisko man·e joljol state-level seminaronaba seokako man·aha ine Headmistress aganaha.
Sophie-ni skigipa Joydeep Das-ni aganani gitade National Science Seminarna tarianggipa topicara “Millets — A Super Food or a Diet Fad” ine ong·a.
Iakoba poraie nina man·gen: A•chik Youtuber MasterChef India-o susagen
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
