Shillong, Apr 25: North Eastern Hill University (NEHU) Shillong Campus-o Hindi department-ni professor ong·e kam ka·enggipa Dr Alok Singh-ko Bristibar attamo, NEHU Students Union (NEHUSU)-ni membor-rang, uni office ning·aon kragija dake dokaha.
Dr Alok Singh-ni Hub News-na aganani gitade, ia a·sel ong·ani Bristibar attam 4:45 bajimango, Hindi department-ni uni official chamber-o ong·aha. Ua somoio chatro sakdok, uni office-o nape uko dokna a·bachengaha aro gipinrang, do·gacholo nitime dongskaaha ineba ua aganaha. Ja·mano uko dokgipa chatrorang, do·gacholo nitime dongenggipa gipin chatrorangkoba okamate uko jinma dokangkuaha ine ua aganaha.
AdvertisementDokako man·e ua saknaa man·na nangahaoba chatrorang, department-ni manderangko darangkoba uni chamber-ona re·bana on·jaha.
Dr Singh-ni aganani gitade, uko dokani bidingo chatrorang maming a·selkoba una aganjaha indiba uko Rashtriya Swayamsevak Sangh (RSS) aro Akhil Bharatiya Vidyarthi Parishad (ABVP) baksa jak donga inesa uko matnangaiaha.
Uko minute 30-mang ong·pile dokna skang, ia chatrorang, uni phone-ko ra·sekenba phone-o donggipa photo aro video-rangko nichengaha aro uni computer-ni cable-rangkoba oke galenba, uni korikoba camera dongengnaba gnang ine ra·sekaha.
Chatrorangoni saksade table-o dongipa kesiko ra·enba uni gitoko done, uko so·ote galna gitaba ka·mikkenataha ine Dr Singh parakaha.
Ja·mano ia chatrorang uko University-oni re·angkamchina gita ka·mikkenataha ineba Dr Singh aganaha.
Chatrorangni iandake chadrapani ja·man Dr Singh-ko sanna gita Civil Hospital-ona ra·angaha.
Da·o dipet ia a·selni bidingo Dr Singh, police-rangna badi ka·kujaenga indiba uko dokgipa chatrorangni kosako nanga gita ja·kurangko de·china aro una kakket bichalko on·china ua NEHU-ko chalaienggipa manderango mol·molataha.
Iandake skigipa saksako kragija dake dokahani gimin NEHU-o kam ka·enggipa gipin skigiparangba, ia a·sel ong·anina an·tangtangni suk ong·gijaniko parakattokaha aro uko dokgipa chatrorangni kosako rakgipa ja·kurangko de·china dabiangtokaha.
Ia a·selko jegalna gita NEHU-ni skigiparang, Sukrobar salo, jinma tom·anikoba ong·atangaha.
Na·simang ia video-koba nina man·gen:
Na·simang iakoba poraina man·gen: Song 40 ni Kuki manderang Thangkhul Naga songo ma·chakea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
