Shillong, July 28: National Education Policy (NEP) 2020-ko ra•gataoni bilsi gittam gapaniko maniani bak gita Sonibar saloni a•bachenge Education Ministry aro Skill Development & Entrepreneurship Ministry nangrime, Akhil Bharatiya Shiksha Samagam-ko New Delhi-o ong•atenga aro ia program-ko a•songni Prime Minister Narendra Modi, a•bachengate on•anggen.
NEP 2020-ni bilsi gittam gapani bidingo press conference-ko Navodaya Vidyalaya Samiti aro Kendriya Vidyalaya Sangathan-ni gita Shillong-o ong•atangaha aro ia press confence-ko ong•atanio Shillong-o donggipa Navodaya Vidyalaya Samiti Regional Office-ni Deputy Commissioner in-charge Aditya Prakash Singh, talate on•angengon, 2020 bilsio a•bachengatgipa National Education Policy-ara a•gilsak gimikko joltang baksa nangrimate, India a•songo songdonggipa ine an•tangtangko rasong chaatna aro u•i-ma•sianirangko bariatna dakchakani ong•aha ine parakataha.
Aditya Prakash Singh-ni parakatani gitade, 1986 bilsini National Education Policy-ko bilsi 34-na ja•rikani ja•man 2020 bilsini NEP-ko ra•gatahaon, gitcham NEP-ona bate, Kendriya Vidyalaya, JNV aro gipin CBSE skulrangoba curriculum aro syllabus-rang bang•batange, chatro chatrirangna bang•en namgniko ra•baaha.
Iakoba poraie nina man·gen: Tura-o so•sojengjeng ong•anina sakkirango pangchakesa ja•kuko de•enga: CM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
