Tura, Nov 4: North Garo Hills, Dainadubi-ni sepangjolo donggipa Balmikram songo donggipa nokdang baksa bilsi 13-na donggipa huru bimako A·chik Holistic Awakening Movement (AHAM)-ni Dainadubi Unit, Sonja Wildlife Rescue Team baksa apsan am·sandianiko dake naljokataha.
AHAM official-rangni aganani gitade, ia huro bimakoara uni ma·gipako gipin matburingrangni so·ota jaman ia nokdangni mande uko buringo saksan dongako nike bi·samitingonin jilna rimbaaha. Ia nokdangni manderang una ka·sae simsak nirokaniko dakaha aro iako gisik a·ning bitgipa dolrang nikronggijagipa mande aro matburingrangni gisepo apsan meli-nangrime tom·tom dongani dakmesokani ong·a ine aganaha.
Ia huro-ni gimin knaon, AHAM dolrang Sonja Wildlife Rescue Centre-na koborko on·ataha aro uamang huroko naljokatna uamangni dolko watataha. Naljokata man·gipa huro bima da·o sana banani baksana buringona re·angpilna man·a gita centre-o skie ra·anirangko dakenga.
AHAM-ni President George Prince Ch. Momin, huro bimako jilgipa nokdangko ka·sae simsak nirokanina aro naljokatgipa dolrangni gisiko nange kamrangko ka·anina de·mitelatengon, ia ong·a obosta gimikan Meghalaya a·dokni ong·telaigipa sambolrang aro do·o matrangna ka·saaniko mesoka ineba aganangaha.
Ia naljokata man·gipa Western Hoolock Gibbon ba huro bima-ra makkre dal·gipa rokomrangoni India a·songo gimaroroangenggipa aro niamni ning·o ripinge rakkienggipa rokomsa huro ong·a. Iandakgipa rokomni hurorangara buringrang dongjae, uamangni dongchakram biaprangko nisigalanichi komiangroriengaha.
Na·simang iakoba nina man·gen:
Na·simang iakoba poraina man·gen: Zubeen Garg-ko mande ra·ani bak gita Sri Krishna Rash Utsav-ko ong·atna chadamberang tarisamsoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
