Aizawl, June 17: Mizoram-ni Mamit a•jao, saksa me•chikko til•ekenba acid pakdapanina, dos dakgipa sakgni, Border Security Force (BSF) personnel-rangko bisli 8 ong•na sipilani ja•mansa bisli 42-na pattoko donna Aizawl-ni Additional District aro Sessions Judge Sylvie Zomuanpuii Ralte mongolbar salo parakataha.
Bilsi 2017, July jani 16 tarikko Mamit a•jani Silsuri West songni Gaskata chibimani sepango me•chikko til•ekenba acid pakdapanio jak donggipa, Nilanjan Das aro Dinesh Kumar, ine rim•a man•ahani ja•man court- ua sakgni BSF personnel-rangko Indian Penal Code-ni ning•o, June-ni 12 tarikko uamangko pattoko donna parakataha.
Order-o nikna man•anigitade dos dakgipa sakgni manderangko gang rape-na bilsi 20, me•chikni bimangko nosto ka•anina bilsi 10-na aro acid pakdapanina bilsi 12 -na, chu•gimik bilsi 42-na uamangko pattoko donna parakataha.
Dos dakgipa sakgni manderangara Nilanjan Das, West Bengal-oni aro Dinesh Kumar minggipa Uttar Pradesh-o songdongenggipa ong•achim aro uamang BSF-o kamko ka•engachim.
Ia ong•gipa obostara Mizoram-ni manderangko aiao inmanataha, indake bilsi 8-na dosi dakgipa manderangko sasti man•atna dakgrikaniara da•alo chu•sokaha aro iara manderangna denggu daknaskang chanchichina mikrakataniko on•angaha.
Na·simang iakoba nina man·gen:
Na·simang iakoba poraina man·gen: B’desh-ni saksku manderang, konta 75 batpile ‘No Man’s Land’-o jachange dongkuenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
