Tura, June 17: NEHU Tura Campus-o kam ka·giparang, uamangni dingtang dingtang neng·nikanirangko chu·sokate on·china dabie office-o kam ka·anirangko dongongatna a·bachengaha.
Mongolbar salo, NEHU Tura Campus Staff Welfare Association, University-o DoPT ge·etaniko ja·rikchina, niamgri kamo ra·dona tik ka·aniko nipiltaichina, gratuity-ni namgnirangko on·china, Emplyees’ Provident Fund (EPF)-ni ning·o bimung segatani baksana casual kam ka·e cha·paenggiparangna somoi gita dormaharangko on·china dabie Administrative Building a·palona tom·batokaha.
Re·anggipa June jani 10 tariko, Vice-Chancellor-na memorandum-ko on·a ja·man, University-ni authority-rangna changni chang mol·molaniko dakomangba uamangni ru·uta somoirangna mol·molanirangko knachakjaha ine aganenba uamang jingjengataniko dakangaha.
Administration-ni gita mamingba aganchakaniko on·jani a·sel uamang jingjengataniko dakna draatako man·aha aro uamangni dabianirangko chu·sokatja dipetde uamang tom·tome ia jingjengatanirangko dakangkugen ine campus-o kam ka·giparang janapataha.
Uamangni dabianirangna bang·bata chakpaaniko man·a gita uamang memorandum-ni lekkarangko Tura Campus-ni Pro Vice-Chancellor, Meghalaya a·dokni Skotong Minister, Department-rangni skotongrang, Post Graduate Students’ Union aro Garo Students’ Union-naba watataha.
Uamangni dabianirangara kam ka·giparangni namgnirangko namdapatan baksana kam ka·ani namgnirangko man·ani aro administrative-ko mikkang nitegijagipa ong·atani bidingosa ong·a, politics kal·a ong·ja ine Association-ni gita u·iataha.
1996 bilsio a·bachengatgipa NEHU Tura Campus-ara, Meghalaya-ni Saliram jolo mongsonggipa skie ra·chakram biap ong·a aro ia campus-ko name chalaina man·a gita ia neng·nikanirangko namatna gita namen nangchongmotgipa ong·a ine campus-o kam ka·giparang agandapangkuaha.
Na·simang iakoba nina man·gen:
Na·simang iakoba poraina man·gen: Saksa me•chikko til•ekenba acid pakdapanina BSF sakgniko bilsi 42-na pattoko donna parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
