Shillong, Feb 27: Game ge•e man•gipa dingtang dingtang bosturang, mongsongbate e•ching aro holdiko Meghalaya New & Renewable Energy Development Agency (MNREDA)-ni dakchakanichi a•songni dingtang dingtang biaprangona bregopangengani gimin da•o Garo Hills-o game ge•e cha•giparangba namgnirangko man•engaha.
Official-rangni u•iatani gitade, North Garo Hills a•jani dam 54 songrango game ge•e cha•enggipa aro bading chiwalgiparangoniko e•ching aro holdi metric ton 150-ko bregopangaha aro iachi ia songrango game ge•e cha•enggipa manderang namgnirangko man•aha.
Iani bidingo talataniko on•angengon, game ge•e man•gipa bosturangni dam tik ong•jani a•sel, a•doko game ge•e cha•giparang bang•en neng•nikanirangko chagrongna nangronga indiba da•o ia kamko a•bachengatanichi, game ge•e cha•giparang an•tangtangan dal•dalgipa company-rangna palatna man•engaha ine MNREDA-ni Director Dr Joram Beda aganaha.
Ia program-ko Jodhpur-o donggipa ‘Save the Nature International & Cultivator Natural Products’, Dijako Agro Farmer Producer Company baksa a•bachengataha aro ia program-ko a•bachengatanichi game ge•e cha•giparang, noksan gri namgipa damrangon an•tangtangni game ge•e man•gipa bosturangko palna sim•na man•engaha ineba Dr Beda aganaha.
Dr Beda-ni parakatani gitade, e•chingrangko game ge•e cha•giparang kg-prako gong 40 ka•e aro holdiko kg-prako gong 25 ka•e palna man•enga.
Ia program-na MNREDA aro Asian Development Bank (ADB) dakchakanirangko on•enga.
Na·simang iakoba nina man·gen:
Na·simang iakoba poraina man·gen: GHADC election-o Tribal ong•gijagipa candidate-rangni susaaniko champengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
