Byrnihat, June 28: Guwahati-Shillong (GS) Road-o jabolrangko galengani a·sel, University-ona namgijagipa bibarangko gipatengani a·sel mandeni be·enna namgijagipa sabisiko ra·bana kenchakani dongengani gimin ia biapo niamgri jabolrangko galenganina jegale Mahatma Gandhi University Meghalaya-ni chatrirang aro faculty member-rang aro Blue Sky NGO nangrime, Sukrobar salo, Byrnihat-ni 13th Mile-o jingjengataha.
Ia jingjengataniko Mahatma Gandhi University, Department of Social Work-ni Assistant Professor ong·enggipa Dr. Amalesh Adhikary dakdilangaha aro plastic, styrofoam, rika cho·ani jeng jabol aro pal·a sim·anio gitchagipa jabolrangko galanichi mandeni janggina kenchakani dongengani gimin uarangko nirokatchina Authority, District Administration aro Pollution Control Board-ko didiangaha.
Indake jingjengatenggipa dolrang, iani bidingo Solid Waste Management Rules, 2016-o pangchake badi ka·doanggen ineba janapataha.
Uasan ong·aigija, niamgri jabolrangko galenggipa dolrangko sandichina, jabol galchakani biapko mesoke on·china, dustbin ba kalbongrangko tarie on·china aro jabol chimongani biaprangkoba name u·iatchina dabiataha.
Indake Ministry of Environment and Forest, Government of India-ni ning·o a·bachengatgipa Swachh Bharat Mission aro Waste Management Rules-o pangchake ja·kurangko de·chinaba sorkariko uamang dabiangaha.
Na·simang ia video-koba nina man·gen:
Na·simang iakoba poraina man·gen: Chipakore FC, TFL 2025-ni skanggipa kal·susaanio Rongkhon Sporting-ko amata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
