Guwahati, July 17: Assam a·dokni Goalpara-o donggipa Paikan Reserve Forest-o niamgri nokrik nokdake songdongenggipa manderangko a·rikgalaniko dakanio, Police-rang baksa nanggrikanichi saksani janggi gimaatako man·aha aro chelchaksoenggipa dolrangko man·chape bang·an saknaatako man·aha.
Batanggimin July 12 tariko, mongma aro gipin matburingrangko aro buring bolgrimrangko ripinge rakkina miksonganio Paikan Reserve Forest-o niamgri nokrik nokdake songdongenggipa manderangko a·rikgalaha aro 140 hectare-mangni gita a·arangko man·pila.
Police-rangni aganani gitade, ia a·sel ong·na a·bachenganiara, ia 140 hectare-mangni gita a·rikgalgimin biaprango niamgri dongenggipa manderangni re·bapile naptaina jotton ka·ahani gimin ong·aha aro uamangko Police-rang aro forest official-rangni champengsoahaon uamang ro·ongrangko gona a·bachengaha jeni a·selan Police-rangko blank fire ka·ona sokataha.
Indake ia a·sel ong·anio saksani janggi gimaatako man·aha aro sakgipin bilongbee saknaa man·gipa mandeko Guwahati-o na rimangaha. Indake chel·chaksoenggipa dolrangoniba bang·an saknaatako man·aha aro uamangko da·o Goalpara District Hospitalo sanna bannaniko on·enga ine Police-rang u·iataha.
Ia sianggipa mandeara Shakoor Hussain ong·achim.
Ia a·sel ong·ani bidingo janapengon, police-rangko uamangni kamrangko ka·enganiko champengahani gimin uamangni kosako raka ja·kuko ga·anggen ine Assam-ni Skotong Minister Himanta Biswa Sarma aganaha.
Indake District Administration, ua jolo golmal ong·anirangko champengsona gita chel·chaksoenggipa sipairangko watdapataha.
Na·simang iakoba nina man·gen:
Na·simang iakoba poraina man·gen: Neng·nikanirangko bon·atna jinmani dakchakaniko nangchongmota: Kyrmen Shylla
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
