Goalpara, July 12 : Bristibar salo, Tura-ni chadambe Niksamseng Ch Marak-ko so•otani bidingo, Goalpara jillani Nayapara-o donggipa New Life Foundation minggipa rehab centre-ko Goalpara-ni District Administration chipataha.
Niksamcheng Ch Marak, de-addiction centre-o dongmiting somoio July jani 4 tariko ong•ronggija bewalo siahachim.
July jani 2 tariko, Assam police dolrangni pekatgipa samrangko Krishnai jolniko sandirikitaniko dakmiting somoio Niksamseng-ko rim•enba, Goalpara rehab centre-ona watataha.
Rehab centre-ni gita uko a•bachengode an•tang so•ote sia inesa u•iatahachim. Indake ong•genchimoba, CCTV footage aro porikka ka•e nianiode, rehab-o kam ka•giparang aro rehab-o donako man•gipa manderangsa uko so•oataha ine u•ina gita man•aha. Sianggipa mandeni be•eno bang•a mata buanirang chongmotan, uni mikkangni jakasichipak chakkuni tu•e matani, kammani dagi baksana uni ku•dipe, kangkare aro ja•arango bilongbee mata buanirang gnangchim. Uni nokdangni manderang Krishnai police-o FIR-o segatenba kakket bichalko am•aha.
FIR ka•a jaman, police dolrang Niksamseng-ko so•otani bidingo, rehab centre-ni supervisor aro gipin staff-ni member-rangko man•chape sak 8 manderangko rim•aha.
Ia ong•a obostani bidingo u•ienba aro dingtang dingtang dolrangni badi ka•aniko knachakenba, Meghalaya a•dokni Skotong Minister Conrad K Sangma, ia obostani bidingo name am•sandianiko dakenba, sianggipa nokdangni manderangna kakket bichalko on•china gita, Assam a•dokni Skotong Minister Himanta Biswa Sarma-ko didianiko dakangaha.
Na·simang ia video-koba nina man·gen:
Na·simang iakoba poraina man·gen: Clock Tower-ko rikna Mahatma Gandhi-ni statue-ko pikgalanina jingjenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
