Imphal, Nov 16: Manipur a•doko so•sojengjeng ong•engani gisepo, uamangni dal•batsranggipa maniani ‘Ningol Chakkouba’-ko maniani salo, dakgrik dinggrikani somoio so•ota man•e sianggipa manderangko gisik ra•aniko me•sokna gita Meitei me•chik dolrang, a•dokni dingtang dingtang a•kawerango hunger strike-ko dakangaha.

Indake, Manipur a•dokni a•kaweo dongenggipa manderang, sianggimin manderangko gisik ra•aniko dakna aro uamangni kalimaniko mesokna gita, Diwali-ko maniani somoi minute 10-mangna light-rangko off ka•e dontokaha.

Ia Ningol Chakkouba-ko maniani somoio, mongsongbate bia ka•gimin Meitei me•chikrang, uamangni nambatsranggipa jatni gandingko gane maa paani nokona re•angrongachim aro an•tang maa paa aro ba•rimarang baksa kusi ong•e cha•rim ringrimaniko dakrongachim.

Indake ong•genchimoba, ia bilsio Ningol Chakkouba-ko manianio Imphal songjinmani Kwairambad Keithel-o duk mikchi gnangsa manina nangengaha.

Imphal East District-ni Kongba-oni bilsi 47 ong•gipa Thounaojam Ashakiran, batanggimin ja-6 mangna so•sojengjeng ong•ani a•selo bang•a manderangan noktangtangoni brangatako aro so•otako man•aha, indake ong•engon maikai Ningol Chakkouba-ko manina gita man•gen ine duk ong•e aganan baksa, a•doko tom•tomaniko ra•bana gita gisik nange kamrangko ka•pachina ine ma•mong sorkari aro a•dok sorkariko mol•molataha.

Indake, Meitei aro Kuki-Zo jatrangni gisepo kajia golmal ong•e dinggrikanio sianggimin manderangko gisik ra•aniko mesokna aro ka•limaniko dakna gita, Manipur a•dokni Kangla-ni Western Gate-o tom•enba sianggimin manderangni noksarangni mikkango mombati-rangko so•an baksa pulrangko donaniko dakangaha.

Iakoba poraie nina man·gen: ASHA-rangni man•gniko bariatchina dabie a•song gimikon jingjengata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub