Tura, May 6: Robibar salo, Nokma Council-ni membor-rang North Tura constituency-ni ning•ao donggipa Dura Kalakgre songona re•ange Ganol chibisikko a•ba o•e cha·engani gimin songni manderangko dontongchina mol·molna gita re·angaha. Uamangni re•ange nianio pangna bilsina bate ia bilsio a•ba o•aniko nikna gita man•eaha.
Ia rona rotogipa aro ding·kariomangba ka•singipa biapo mikkangchiba indake a•ba o•e cha•angkuode, A•chik a•songni gipin biaprang gitan ding·gnok aro chiring chibisikrang tipaona sokgnok ine niksamsoenba Nokma Council-ni membor-rang, ua songono re•ange, songni manderangko maiba dingtang janggi tangani cholrangko dakchina gita mol•moleaha.
Uamang songni manderangna sorkari baksa agangrike dingtang dingtang dakchakanirangko on·china agangrikgen ineba ku•rachakanirangko on·baaha. Do•o jilani, pokkrirangko cho•e na•tok jilani iarangni giminba department-rang baksa golpoe on·gen jedakode uamang a•ba o•e cha•aniko dontonggen ine uamang aganbaaha.
Nokma Council-ni gita Dura Kalakgre songni Nokma aro chrarang baksa golpoe German Project KFW aro JICA-ni gita, songni manderangna maiba janggi tangani cholko dakchakchina mol·mole on·gen ineba Nokmarang ku•chake donbaaha.
Na·simang ia video-koba nina man·gen:
Na·simang iakoba poraina man·gen: Meghalaya-o mikka jimbee waa baksa stilrang onanga: nok te 130 mangni gita nosto ong•atako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
