Shillong, May 6: Robibar salo, Khasi Hills, Eastern West Khasi Hills aro East Khasi Hills a•jarango mikka jimbee waa baksa stilrang onangani a•sel, nok te 100 mangni gita nosto ong•atako man•aha, ine Revenue & Disaster Management Department-ni Secretary Matsiewdor War Nongbri u•iataha.
Uni aganani gitade, Eastern West Khasi Hills-ni ning•o donggipa songrang chongmotan Nongkhlaw, Mawiongkhri, Nongthyllep, Mawnai, Umshyiap, Phudbah, aro Demdngiem-ni ning•o donggipa songrangni te 62 nok jamrang mikka baksa stilrang ondapani a•sel nosto ong•atako man•tokaha. Aro ia songrango songdong a•chaenggipa sak 172 mangni gita manderang nangchakeako man•aha aro unbaksana dam 50 hectare-mangni gita game ge•e cha•gipa a•arang nosto ong•atako man•aha, ine Nongbri u•iatangaha.
Uasan ong•aigija, East Khasi Hills a•jani Mawryngkneng block-ni ning•o donggipa Mawlynrei songni te 21 nokrang nosto ong•atako man•aha inenba Nongbri janapataha. Aro ia mikka jimanga baksana stilrang bang•e onani a•selba West Khasi Hills-o nok te 52 mangni gita nok jamrang aro sak 200 mangna batpile manderang neng•nikanirangko man•tokaha.
Robibar salo Malangkhasi aro Malangkona circle-o mikka balwarang ta•rakangaha jeon sak 5 manderang nangchakeako man•aha ine Revenue & Disaster Management-ni Secretary u•iataha. Ia mikka jimbee waa baksa stilrang onangani a•sel, West Khasi Hills-ni songrang baksana Mawlieh Circle, Byrki Circle, Mawthor Circle, Mawlangsu Circle aro Mawdoh Circle-ni ning•o donggipa biaprangoba nok jamrang nosto ong•atako man•aha.
Indake ong•engon, Nongstoin Block-ni ning•o donggipa te 52 nokrang nosto ong•atako man•aha, indake Mawlieh Circle-ni ning•o donggipa 135 manderang a•dita neng•nikanirangkoba man•aha, Byrki Circle-o sak 45 aro Mawdoh Circle, Mawthor Circle aro Mawdoh Circle-rango sak 15 prak dake neng•nikanirangko chagrongna nangao ga•akaha.
Mawlangsu aro Mawdoh Circle-rangoba chu•gimik sak 40 manderang ia mikka baksa stilrang onani a•sel nangchakeako man•tokaha.
Nok jam nosto ong•ato man•e nokgri jamgri ong•gipa manderangko, Deputy Commissioner-ni office-ni aro District Disaster Management Authority (DDMO) office-ni gita dikdiksana ma•chakaniko on•a tarigipa biapona rimangaha, ine Nongbri u•iatangkuaha.
Pilak District Administration-rangkon duko ga•akgipa nokdangni manderangna nangan bosturangko suale on•china gita a•dokni Skotong Minister Conrad K Sangma ge•etaniko on•ataha.
Na·simang ia video-koba nina man·gen:
Na·simang iakoba poraina man·gen: Manipur-o mikkarang baksa stilrang onanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
