Shillong, May 21: Re∙baenggipa Shillong Lok Sabha byelection-o Dr DRL Nonglait-ko seokgenchimode uan Khasi-Jaintia manderangni ku∙rang ong∙gen inenba, Delhi-o “sorkarini MP”-ko nanga ine NPP-ni national vice president aro Deputy Chief Minister Sniawbhalang Dhar Budbar salo Nongpoh-o campaign ong∙atengmitingo parakataha.
Dr Nonglait-ara gisik gnanggipa mande ong∙a aro ua skatang kattarangko agangipa ong∙ja ine Jaintia Hills-ni dam sni a∙jarangonin una pu∙onna nanggen ine manderangni agananirangko knaaha ine Dhar aganaha.
Jaintia Hills a∙jao lak 3 manderangni vote donga aro uamang namgipa bewalo chena krenggen indiba Jaintia-mangmangsande uamangko chegipa ong∙atna amja ine ua aganaha.
Uandake ua Ri Bhoi aro West Khasi Hills a∙jarangni manderangko Nonglait-na pu∙onchina didiaaha aro Dr Nonglait-ba ua joloni mande ong∙ani gimin 85% manderang una pu∙ongen ine koborrangko man∙aha ine parakataha.
Uamang party-ni gita sal-wal kam ka∙e chegipa ong∙na krenggen jedakode uamang ma∙mong sorkari baksa dongkuenggipa kamrangko matchotatna man∙gen ine Dhar ku∙chake on∙angaha.
“Dr Nonglait-ni kam ka∙anichi chinga chingni nangnikenggipa kamrangko, jekai ILP-ko man∙e on∙na kam ka∙gen ine ka∙dongsoenga maina an∙chingni a∙dokni pilak chadamberangan iako nangnika,” ine ua aganaha.
A∙doko silroro-namroroaniko ra∙bana songdonggipa chadamberang ku∙cholsan ong∙aniko nangenga ine ua aganaha. Unbaksana, mande ra∙ani aro bimchipanikoba nangchongmota, maina mande ra∙ani gri songsalko maikai rikgen inenba, mande ra∙ani aro bimchipani dongjagenchimode, a∙dokde brangaona sokgen ine ua talataha.
Gipin political party-rangni badiaba dilgiparang mamung u∙i-ma∙siani gri kattarangko agana, aro mitamrang manderangko togia, aro saobarang jingjenganirangko ong∙ata indiba uamang uarangni bidingo namedake u∙iani dongja ine Dhar aganaha.
Uandake, NPP-ara mikkang nitegipa ong∙a aro uni MLA-rang donggipa constituency-rangonasan silroro-namroroanirangko ra∙baaia ine matnanganirangko ua jegalenba, uamangni chadengchakenggipa biapni sorokko kror 60 tangkarangchi matchotataha, aro ua constituency-ni MLA, NPP-ni ong∙ja indiba UDP-nisa ine ua talataha.
Jegalanirangko dakanirangde election-o seokako man∙gipa manderangni kam ong∙ja aro uamang manderangko indake kamrangko dakdilgenchimode politician ong∙na kraja ine ua aganaha. Manderang uamangni palo Assembly-o ku∙rang on∙china inesa dilgiparangko seokaha ine ua talataha.
Ua dingtang dingtang project-rangko janapenba, Kror 240 tangkarangchi tariatnasienggipa Umsning-Jaggi sorokna pangchakani ro∙ongko ru∙utgija salrangni gisepon songe on∙anggen ine ua aganangaha.
Una agreba, UG road-ko Kror 100 ong∙nasipile tangkarangko koros ka∙e tariman∙aha, Mairang-Assam border road-ko kror 230 tangkarangna batpilen koros ka∙aha – ian dingtangmancha scheme-ni ning∙o dal∙batgipa project ong∙a, aro unbaksana Lailad-Umling-Patharkhmah sorokko Kror 70 tangkarangko koros ka∙e tariaha ine ua talataha.
A∙dokni tangka sroanirangni bidingo ua janapengon, sorkarini ra∙gipa loan-rangna ma∙mong sorkarini dongimin niam donga aro sorkari an∙tangni ska gita tangkarangko srona man∙ja, sorkaride manderangnisa aro tangka gong∙saan gamchata maina uara manderangni tangkasa ong∙a ine Dhar aganaha.
A∙dokni budget 2018 bilsio kror 9,000-mang ong∙aoni da∙o kror 30,000-na bataha ine ua aganenba, budget tang∙dororoon, songdonggipa manderangni man∙gnirang aro janggi tangani gadangrang dal∙roroa ine ua aganaha.
Uandake ua a∙dokni skotong minister Conrad K Sangma-koba mitele, chongipa a∙dokni skotong minister ong∙genchimoba ua Kristian-rangko chel∙chaka, aro Meghalaya ba India-ni Salgro Salaramo Kristianrang neng∙nikanirangko chagronggenchimoba, pilakna skang ua ma∙mong sorkariona ia neng∙nikanirangko ra∙anga ine ua aganangaha.
Na·simang iakoba nina man·gen:
Na·simang iakoba poraina man·gen: Tura-o Skillerate 2026-ko ong•atanio cr 16.59-na batgipa work order-rangko on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
