Guwahati, Dec 5: Nongpoh-o donggipa Handloom & Sericulture Complex-o Integrated Textile Tourism Centre (ITTC)-ko Sonibar salo, a·dokni Skotong Minister Conrad K Sangma, Textile-ni Union Minister Giriraj aro Minister of State for Textile Pabitra Margherita nangrimenba nokdonggae on·anggen.
Ia ITTC-na Development Commissioner (Handicrafts), Ministry of Textile baksana a·dok sorkari tangka paisani gita dakchakaniko on·enga aro ia centre-o changa sapaniko aro aro Cultural Tourism-ko skie on·aniko dakanggen.
ITTC, Meghalaya a·doko jatni dakbewalo kilding bikotani mongsongbate Eri (Ahimsa) silk ba muga kildingko bikotani gimin skie on·a mangsongbatenga jeon, game ge·e cha·giparang, badingchiwalaniko dakenggipa dolrang, ska koa ba sol·a repaniko dakenggipa aro grongna re·bagiparang agangrikna aro ba·ra dokani giminba skie ra·grikna cholko man·anggen.
A·songni Prime Minister Narendra Modi, uni Mann ki Baat ba gisikni kattako aganengon, Meghalaya a·doko bikotgipa Eri silk ba muga kildingko de·mitele aganangaha.
Indake ia ITTC-o Department of Textiles aro Central Silk Board-ni nangrime a·bachengatgipa EKTA Meghalaya Pavilion-ko ong·atanggen. Ia EKTA Meghalaya Pavilion-ara exhibition, workshop aro State partnership-rang gita a·songo kilding bikotani gimin talate on·gipa ong·a. Ia program gita, designer-rangna, ba·ra dokgiparangna aro textile-ni chimonggimin bosturangko mesokna cholko on·anggen.
Indake ia nokdongaani somoio, Meghalaya Textile Theme song ba gitko Khmih Creative Society ring·anggen aro Ryndia-ni janggi tangani gimin tarigipa ja·wilwat Loom to Legacy-koba oprake on·angjolgen.
Na·simang iakoba nina man·gen:
Na·simang iakoba poraina man·gen: Ong·telaigipa a·selrangoni tarisamsoe dongani training programme-ko Ri-Bhoi ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
