Shillong, June 13: Sombar salo, Ri Bhoi a•jani Nongpoh jolo jimbee mikkarang waangani ja•man, bilsi 40 ong•gipa mande saksa, ta•rakbegipa chiring man•pakange sripe sina gita nangaha.
Ia a•sel ong•ani Sombar wal 9:30 ba 10:00 bajimango, National Highway 6 sambao ong•aha ine kobor on•aha.
Kobor on•timgiparangni u•iatani gitade, Sombar walo konta gittammangna dontonggija mikkarang jimbee waangaha aro ua somoio ia mande, Nongpoh-ni dokkan ge•sao mikka chakengachim. Mikka chakengmiting somoio ua maibakae ga•srotenba sambao ta•rakbee jokenggipa chiringona ga•akonangaha aro uandaken ua chi man•pakange sripe sina gita nangaha.
Ia mandeni manggisiko uni nokdangni manderang aro jolo songdongenggipa manderang, kontagnimangna sandiani ja•man, uni ga•akongipa biaponi mik 100 ba 150 chel•ao donggipa buringgriponiko man•eaha.
Kobor on•timgiparangni u•iatani gitade, ia mandeara Umlyngkdait-oni ong•achim aro uni manggisiko man•ani ja•man post mortem ka•na gita Nongpoh Civil Hospital-ona watataha.
Iakoba poraie nina man·gen: Dibrugarh-ni Puja ghat jolo a·a rurongtaianio champenganirangko dakata
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
