Shillong, June 13: Mongolbar pringwalo, Shillong songjinmani Civil Point sambao, truck gari bolsa, scooty bolsako salgakani ja•man adita chel•kala biapona scooty-ko salchapangaha indiba rasong gnangbee scooty-ko salgipa siaoni jokaha.
Koborko on•ani gitade, Mongolbar pringwalni 1:00 bajimango, Rajasthan a•dokni registration nombor donggipa truck gari bolsa, one-way rama gita re•napbae, mikkangchini re•baenggipa scooty-ko salgakeaha aro ja•mano ia scooty-ko Civil Point-oni Step-by-Step School sepango donggipa Barik Point-ona salchapangaha.
Police-rangni u•iatani gitade, ia truck gari, one-way rama gita re•napbae, scooty baksa chagakeaha indiba rasong gnange scooty-ko salgipa mande, scooty-oni bilone katna man•enba siaoni jokaha.
A•sel ong•ani ja•man, truck gariko salgipa ua biaponi kataha aro police-rang, scooty salgipa mandeko ma•sina gita sandienga ine kobor on•aha.
Da•o dipet ia a•selni bidingo darangba FIR ka•a dongkuja ineba kobor on•aha.
Iakoba poraie nina man·gen: Dibrugarh-ni Puja ghat jolo a·a rurongtaianio champenganirangko dakata
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
