Dibrugarh, June 13: Wachi-kario mikkarang waanichi a·a ruronganirangko champengna gita Assam-ni water resources department kamrangko ka·atengani gisepon, Bhrahmaputra chibimani ditdobae Dibrugarh a·jani Puja Ghat biap jolni a·arangko gital dake chi pe·taianiko nikna gita man·angaha.
A·arangko chi pe·taiengani koborko man·a tapan, Dibrugarh-ni MLA Prashanta Phukan aro a·jani Deputy Commissioner Biswajit Pegu-maang biapona daariange obostarangko nirokeaha aro a·a rurongdapaniko champengna nanga gita kolrangko aro manderangko jakkalenba kamrangko ka·chichaatchina gita official-rangko didiangaha.
Indake ong·engon, chibima rikam jolo gital dake a·arangko chi pe·enggipa biapo chibima rikam jolrango a·a pe·aniko aro a·a ruronganiko champengna gita jakkalronggipa geo-bag-rangchi champenganirangko dakatchengaha.
Unomiting, Dibrugarh-ni MLA Prasanta Phukan-ni kobor ra·timgiparangna aganangani gita, a·a rurongani mniwal 2 bajioni a·bachengaha aro ia mamlako jako ra·enggipa department champengsoanirangko dakataha ine aganenba, iani bidingo Assam-ni skotong minister Pa Himanta Biswa Sarma-naba u·iataha ine MLA parakataha.
DTP dyke jolrango a·arangko chi pe·anirangko pangkame champenganirangko dakna gita Asian Development Bank (ADB)-na proposal-ko on·angaha ineba ua agandapataha.
Iana skangba, Dibrugarh-ni Koilaghat biap jolo a·a ruronganichi bang·en nosto ong·atako man·ahani gimin ua biapo chi pe·taianiko champengna gita kamrangko ka·atahachim, da·o mniwaloni a·bachenge Puja Ghat-o gital dake a·arang rurongtaiaha aro ia obosta ong·taianichi DTP dyke sambajolo donggipa manderangna namen jajrenganirang ong·engani gimin nanga gita champengsoanikoba dakataha ine Dibrugarh-ni Deputy Commissioner Biswajit Pegu parakataha.
Ia ong·telaigipa obostachi neng·nikanirangko man·ani bidingo ua jolo songdonggiparang mikkangchina jajrenganirangko parakangtokan baksa a·arangko chi pe·roroaniko pangkame champengna gita ja·kurangko de·e kamko ka·atchinaba uamang sorkariko mol·molataha.
Also read: Manipur: Earthquake of Magnitude 4.0 hits Ukhrul
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
