Guwahati, Sept 18: North East Cane and Bamboo Development Council (NECBDC), Northeast Bamboo Conclave 2025-ko September jani 18 tariko North Eastern Council (NEC), Ministry of DoNER aro National Bamboo Mission (NBM)-ni dakchakanichi “Promoting Investments, CSR aro Bio-Economy” ine katta bichongko donenba ong·atangaha.
Ia conclave-ko a·bachengate on·anio, NECBDC-ni Managing Director M. C. Omi Ningshen, ian pangkamgipa namroro silroroani baksana kamrangko nakatatna wa·arangko jakkalna ja·ku de·ani ong·a ine aganangaha. Iani gisepon ua wa·aoniko tarigipa bostu-rangko a·gilsak gimiko chu·sokgipa ong·atna gita sorkari, private company-rang aro PSU-rangni dakchakaniko nangchongmotani giminba ua gisiko on·bate aganangaha.
Ia conclave-ko ong·atanio wa·arangko India-o jakkalani, a·gilsak gimiko wa·ani bosturangko palani baksana maikai chonchongipa bading chiwalaniko dakgiparangna dakchakaniko on·a man·genchim uni gimin chanchirimaniko dakangaha. Amazon, Bamboostan aro Assam State Bamboo Mission dolrang an·tangni chanchianirangko u·iate on·angan baksana chasong gitchamni u·i-ma·siani aro chasong gitalni technology-rangko maikai apsan brinna man·genchim uko chu·sokgimin golporangko agane mesokangskaaha.
Ia tom·bimonganiko ong·atanio, Numaligarh Refinery Limited aro SELCO Foundation-ni gisepo CSR-based Bamboo Development-na soi ka·grikani baksana design aro innovation-na IIT Guwahati aro Ahmedabad-ni National Institute of Design baksa soi ka·grikaniko dakangaha. Iani gisepon, dam komiani bamboo processing machine-ko tarina Central Manufacturing Technology baksa bakrime kam ka·anganirangko NECBDC janapataha.
Prime Minister Narendra Modi-ni Bamboo biomass-oniko India-ni skanggipa bio-refinery-ko bikotgipa ethanol-ko Assam Bio Ethanol Private Limited (ABEPL)-ko oprake on·a jaman ru·utgija somoirangmi gisepon ia conclave-ko ra·baaha. Ia apsan somoion, All Time Plastics, IKEA partner, wa·aoniko tarigipa unit-ko tarina miksonganikoba parakataha.
2027 bilsio Salgro Salaram jolo mangrakgipa wa·ani karkanarangko rikna ja·ku de·ani tarisamsoaniko dakanggipa dolrang chong·motan NEC, NEHHDC, FICCI, SIDBI aro NID member-rangni panel baksa ia conclave-ko matchotataha. Ia tom·bimonganiko ong·ataniara India-o wa·ani bostu-rangko tarie pangkamgipa namroro silroroani baksana kamrangko nakatatanio Salgro Salaram jolni mongsonggipa on·gilpaaniko mesoka.
Na·simang iakoba nina man·gen:
Na·simang iakoba poraina man·gen: Tripura-ni me·chik bi·sako drae til·ekanina chatro sakgniko Assam Police rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
