Athiabari, Apr 11: Northeast a•dokrango A•chik jatoni song•a ritani bako mingsingbeako man•gipa, Nambie Jessica Marak, jean, MasterChef India 2023-o bak ra•e gnigipa biapo chebaaha aro a•song gimiko mingsingako man•beahachim, ua Bristibar salo, West Khasi Hills a•jani Hahim-ni sepang Athiabari-o eleksin-na tom•aniko ong•atanio bak ra•enba NPP party-o napaha.
Ia tom•anio, Skotong Minister, Conrad K Sangma bak ra•e, uko party-ona rimchaksoaniko dakangaha.
Nambie Jessica, A•chikrangoni saksa namen song•na ritna sapgipa ong•a aro ua bang•a manderangni namnikako man•gipaba ong•aha. Ua saksa, songadamrango janggi tangenggipa me•chikrangna tangka paisani gita jakgitelani bilko man•atna sikgipa ong•achim aro me•chikrangko uamangni changa sapaniko jakkale kamaina, mongsongbate song•a ritanio gisik nangchina didigipaba ong•achim.
Ua, Eat Your Kappa YouTube channel-ko chalaienggipa ong•a, jeon, Northeast a•dokrangni dingtang dingtang cha•anirangko aro jatni dakbewal rangko mesokrongenga. Unbaksana, ua achar-rangkoba tarie, dingtang dingtang biap aro a•songrangona, jekai, Singapore, Paris aro USA-rangona watatenga.
“Anga je somoio, achar-rangko palna tariachim, angni songni me•chik bi•sarangko bak man•atronga, jedakode, uamang skie ra•rikna man•gen aro uarangko jakkale tangka paisani gita uamangba jakgitel ong•pana man•gen. MasterChef India-o gnigipa biapo chegipa ong•e, angni business-ko apalbatatna cholrangko man•a ka•dongenga jeon, bang•a me•chik bi•sarangko didianiba ong•gen. Ia business-ko dakanichi, angni songo dongenggipa me•chikrangko bil gnangatna Anga miksongenga” ine Nambie aganaha.
Indake, West Khasi Hills a•jani Rambrai-Jyrngam Legislative Assembly Constituency-ni ning•o ong•gipa Upper Rangsa songoni ong•e, songni ramarangni namjabeani gimin gisiko suk ong•gijaniko Nambie, parakataha.
Ua Shillong o atchie dal•atako man•gipa ong•genchimoba, songjinmao janggi tanganiko wate, songtangona uni nokdangni manderang baksa janggi tangrimna re•angpilaha.
“Da•alo, India a•song gimikon chingni songko u•iatanina, songni manderang namen rasong chaa aro kusi ong•enga aro angaba namen rasong chabea” ineba ua aganaha.
Na·simang ia video-koba nina man·gen:
Na·simang iakoba poraina man·gen: Jowai-o Eid-Ul-Fitr manianiko Muslim-rang mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
