Shillong, Nov 17: Robibar salo, Manipur a•doko so•so jengjeng ong•anirangko champengna aro tom•tom ong•aniko ra•bapilna man•jahani gimin, National People’s Party (NPP) dol, Biren Singh-chi dilenggipa sorkarina chakpaaniko ra•galna tik ka•angaha.
NPP-ni padot, Conrad K Sangma-ni BJP dolni President, JP Nadda-na seatgipa chittio, Biren Singh-ni dilenggipa BJP sorkari a•doko tom•tom ong•aniko ra•bapilna man•jahani a•sel, batanggimin salrangni gisepo a•doko obostarang namjabatroroaniko nikna gita man•aha jeon bang•a dosgri manderang janggitangko gimaatna nangan baksana a•dokni manderang aiao inmanpilgipa neng•nikanirangko chagrongna gita nangengaha inenba janape seataha.
NPP-ni National President, Manipur a•doko ong•enga obostani bidingo party-ni gita gisiko suk ong•gijanikoba parakataha.
Manipur-ni ge 60 Member Legislative Assembly-o NPP-ni sak 7 MLA-rang gnang. Indake ong•engon, BJP dol sak 37 MLA-rang dongan baksana Janata Dal (United)-ni MLA sak 1, Naga People’s Front (NPF)-ni sak 5 MLA-rang aro sak 3 jakgitel MLA-rangba BJP dolna chakpaaniko on•giparang ong•a.
Na·simang ia video-koba nina man·gen:
Na·simang iakoba poraina man·gen: Nuranang-o dakgrikanio sianggipa matgrikrangko mande ra•aniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
