15.3 C
Tura

NPP-mangmangsan kim·kimgipa dol ong·a ine Conrad a·kanga

Must read

Tura, Feb 2: Meghalaya a·doko kim·kimgipa aro rakgipa sorkarikosa a·dokni manderang nangnikenga aro National People’s Party-mangmangsan kim·kimgipa dol ong·aiani gimin manderangni nangnikenggipa sorkariko rikna man·gen ine Bristibar salo, Meghalaya a·dokni Skotong Minister aro NPP-ni national president Conrad K Sangma Bajengdoba constituency-ni NPP candidate Pongseng Marak-na campaign ka·engmiting somoio ia kattarangko aganaha.

Dingtang dingtang political dolrangoni bang·bea manderang NPP-ona re·batokenga aro ian re·baenggipa February-ni 27 tariko ong·atna sienggipa Assembly election-ni result-ko mesoksoani ong·enga ineba ua aganaha.

NPP-chi dilanggipa a·dok sorkarini chu·sokatgipa kamrangni gimin janapatengon, bang·bata changon sorkariko chalaienggipa dolrang, opposition dolrangni biaprangode maming namroro silroroaniko ra·bana gisik nangrongjachim indiba NPP sorkaride, Congress-oni TMC-o napanggipa MLA-ni Chokpot-onaba Baromile-oni rama jal·lang tarina gita gong crore 35-ko chame on·ataha ine Skotong Minister parakataha.

Sorkarini ra·gatgipa FOCUS aro FOCUS Plus program-ni gimin janapatskaengon, ia program-ni ning·o a·doko donggipa nokdangrangna tangka paisani gita dakchakaniko on·na gong crore 450-ko jakkalahani gimin ian a·doko dal·batsranggipa scheme ong·enga ine Sangma parakataha.

TMC-ni ku·rachakenggipa ‘WE Card’ scheme-ara election-o manderangko salna ku·rachakenggipa scheme-san ong·aia ineba ua iandakgipa tol·e ku·rachakanirangko bebera·jachina manderangko didiataha.

North Garo Hills a·jani dambri constituency-rangkon NPP chena ka·dongenga ineba ia tom·anio Sangma parakataha.

Ampati constituency-oni Songsak constituency-ona aro da·o Tikrikilla constituency-onaba apjitroroengani gimin TMC-ni dilgipa Mukul Sangma-ko sing·doatengon, Ampati constituency-o da·ode balwarang dingtangaha aro ia changode Ampati-koba NPP chegnok ine Sangma parakataha.

More articles

-->
-->

Latest article