Tura, April 25: Meghalaya a•dokni bang•bata biaprangon mongsongbate Garo Hills-rango ding•anirang bariroroa. India Meteorological Department (IMD), a•dokni bang•bata biapraon salgittamna joljol ding•pretangkugen ine u•iatangaha.
Garo Hills-ni ningo donggipa bang•a biaprangon mijalsalni ding•batani ian 34-39 degree celsius ong•a aro Ri-bhoi-o ding•ani 24-27 degree celsius, indake Khasi-Jaintia Hills-ni ning•tugipa biaprango ding•batani uan normal-na bate 2.9-5.7 degree celsius mang ong•a.
Budbar salni bako, North Garo Hills-an ding•batgipa ine nikna gita man•aha jeon ding•ani 39 degree celsius gapachim. IMD-ni gita da•o dipet Garo Hills-ni dingtang dingtang biaprangni data-rangko on•kujaenga, ua biaprang chongmotan Mahendraganj, Tikrikila, Phulbari aro Rajabala, jeon ding•anirang 40 degree celsius gapachim.
Ia apsan salon, Ampati-o ding•anirang 36.3° celsius, Baghamara-o 34.5° celcius aro Barapani-o 34° ong•achim.
Garo Hills-ni ning•o donggipa biaprang chongmotan South West Garo Hills, West Garo Hills, East Garo Hills aro North Garo Hills-rango salgittamna ding•pretanggen ine IMD u•iataha.
Da•al salni bako, ding•anirang Ampati-o 40° aro Tura-o 34-37° ong•angaha. Re•baenggipa salgittamni bako Ampati-o ding•ani 43°C-ona tang•dogen. Indake Garo Hills-ni bang•a biaprangon ding•ani apsan ong•gen jeon ding•anirang 35-38°C-ona ong•gen.
accuweather.com -ni gitade re•baenggipa salgittamnade walo ding•anirang 27°C-ona tang•ongen aro mikka waani chinrangba dong•jawa.
Knal salni bako Garo Hills-ni bang•a biaprangon ding•ani batgen, UV index-ni gitaba 12-ona dongdoenga jean mandeni be•enna namen namgijaniba ong•a.
Re•anggipa bilsini ding•aniko tosusagenchim ong•ode, April-o ding•anirang salo 1-4°C -ni gita bata ine nikna gita man•gen aro walni somoio 6-8°C-rang ong•a.
Na·simang ia video-koba nina man·gen:
Na·simang iakoba poraina man·gen: “Hills on Plate: Meghalaya Chef War” ko JioCinema-o skanggipa changna mesokaniko a•bachengatgnok
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
