Shillong, Apr 25: “Hills on Plate: Meghalaya Chef Wars”-ko skanggipa changna JioCinema-o mesokaniko a•bachengatgnok ine parakataha. Ia show-o, Meghalaya-ni song•na ritna sapgipa chef-rang a•dokni dingtangmancha su•ugipa cha•anirangko song•a ritanio mikkangchakgrike susaaniko dakanggen.
Indake, ia show-ni skanggipa “MEET THE 7” bako, dingtang dingtang nokdang aro a•dokni bakrangoni song•na ritna sapgipa sak 7 chef-rang, saksa sakgipinna ka•dongchakgrike susaaniko dakgen, gnigipa “Waterfall Trails and Turmeric Tales” bako, uamang Jaintia Hills a•jani nitogipa biapona re•ange, a•jani aro jatni cha•a ringanirangko song•a ritaniko daksusagen, gittamgipa “Fishing for Flavours in Garo Hills” bako, uamang jolni kri song•a ritaniko daksusaangskagen. Indake gipin bakrangko, April 27 tariko release ka•angskagen.
Ia ming 7 bakni show-o judge ong•enggiparangara, MasterChef Australia-ni Sarah Todd, Ardahun Passah aro William Diengdoh ong•a aro ia show-ko, Gordon Thabah aro Abigail Pamei dilangskagen.
Iani gisepon, sak 7 susaenggipa chef-rangara, Artet Kharsati, Ivan Suting, Adonijah Lyngdoh, Daei Suchiang, Tanisha Phanbuh aro Nambie Jessica Marak ong•a.
Ia show-ko ong•atengani miksonganiara, Meghalaya a•dokni nambatsranggipa chef-rangko sandina ong•achim, jean, an•tangtangni song•na ritna changaniko mesokan baksana, salgro salaram a•dokni nitogipa biaprangko aro jakchakgijagipa anti cha•chakram biaprangko mesokaniko dakangjolgen. Iano bak ra•enggiparang, a•doko chasonggitchamoni jakkalrongbaenggipa brinani bosturangko, songa ritani niamrangko jakkale, gitalgipa cha•anirangko tarie mesokaniko dakanggen.
Una agreba, “Hills on Plate” show, song•a ritanio susaanisan ong•aigija, jatni nitogipa dakbewalrangko aro salgro salaram a•dokrangni ning•tugipa songrango gnanggipa nitogipa gamrangkoba mesokani ong•a. Ia show-o, jolni kri songdongenggipa manderangko gronganichi, mingsinggipa biaprangko niani aro jatni song•a ritani bewalrangko nikani jamano, Meghalaya a•dokni nitoaniko ning•tubate u•ina man•gen.
Na·simang ia video-koba nina man·gen:
Na·simang iakoba poraina man·gen: Shillong-ni buringrangko wa•al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
