Imphal, Nov 23: Mongolbar saloba, Meghalaya a•dokni Chief Minister aro National People’s Party (NPP)-ni national president Conrad K Sangma, re•baenggipa 2022 bilsio ong•atna sienggipa Manipur Assembly Election-na campaign ka•anio bakko ra•angtaiaha aro ua dingtang dingtang biaprango manderangna aganprakengon, NPP-ni chadamberangna miksonge aro salgro salaram jol gimikni namgnina ra•gatgipa kamrangni bidingo talate on•angaha.
“Chadamberangna cholrangko on•anio NPP bebera•a aro chinga political dolni gita chadamberangna nambata lekka poraniko on•na an•tangtangko on•kangmanaha. Songsal dal•rorochina gita chinga pilak kamrangon chadamberangna cholko on•na jotton ka•enga,” ine NPP-ni national president aganaha.
Sangma-ni aganani gitade, NPP dolara salgro salaram jolrangko aro mongsongbate salgro salaram a•dokrango songdongenggipa Tribal manderangko mongsonggipa ong•e done kamko ka•gipa dol ong•a.
“NPP-o minggipin mongsonggipa dakbewal donga aro uan chadamberango bebera•ani ong•a. Lekka porana gisik on•bate kam ka•engon chinga pangnan chadamberangko mikkango done kamko ka•gipa ong•a,” ine NPP-ni national president aganaha.
“Lekka poraniara chingna namen mongsonggipa ong•a. NPP-ni symbol ba noksaan ‘ki•tap’ ong•a maina lekka poraniara chadamberangna namen nangchongmotgipa ong•a ine chinga bebera•a. An•chingni chadamberangko tang•doatna gita kal•susaani aro jatni gipin daka rikanirangba mongsonggipa ong•a aro kamrangko tikate on•aniba namen nangchongmotgipa ong•a. Uni giminsa NPP-ara dingtangmancha chadamberangna mikkang nitee kam ka•gipa ong•a,” ineba Sangma aganaha.
NPP-ni national president, Imphal songjinmani Ima Chingjroubi Sanglen-o donggipa Khurai LA Constituency-o jinmana aganprakangaha aro ia constituency-o Laitonjom Jayananda Singh, NPP-ni candidate ong•e susaenga.
Attending the political convention for Shri. Laitonjom Jayananda Singh, NPP’s intending candidate for Khurai LA Constituency at Ima Chingjroubi Sanglen in Imphal. pic.twitter.com/Gbz6nBQktY
— Conrad Sangma (@SangmaConrad) November 23, 2021
Unbaksana ua Imphal songjinmani Singjamei Thongam Leikai-o Sh Romen Singh-ni NPP candidate ong•e susaenggipa Singjamei Assembly Constituency-oba jinmana aganprakangaha.
Attending the interaction programme organised by intending candidate of Singjamei Assembly Constituency, Sh. Romen Singh at Singjamei Thongam Leikai, Imphal. pic.twitter.com/1e7GqtksYH
— Conrad Sangma (@SangmaConrad) November 23, 2021
Iani ja•man, Meghalaya a•dokni Chief Minister aro NPP-ni national president Conrad K Sangma, Langthabal Assembly Constituency-oba Manipur aro Meghalaya a•dokni gipin NPP dilgiparang baksa NPP-ni candidate Karam Nabakishor Singh-na campaign-ko ka•angaha.
At Langthabal AC to seek support for our intending candidate Shri. Karam Nabakishor Singh with party leaders from Manipur and Meghalaya. We have a vision for Manipur, support NPP for a resurgent Manipur! pic.twitter.com/1Uh5uG1bgC
— Conrad Sangma (@SangmaConrad) November 23, 2021
