Shillong, Jan 25: National People’s Party (NPP)ni Shillongna minggimin MP candidate Dr Mazel Ampareen Lyngdoh wena-kon·aniko a·bachengaha.

Skanggipa campaignko Mairango ong·aton bang·a manderang tom·batokaha. Partyni gipin dilgiparang, jekai Hamlet Dohling, Ransom Sutnga aro gipinrang dongpae uni skanggipa campaigno chakpaaha. Uano campaign ong·atchengani minggipin miksongania NPP Mairang Block Committeeko bilakdapatna aro Congress dolni NDC Batskhem Ryntathiang-ko NPPona nokchaksona gita ong·aha.

Jinmana aganprakengon, uko me·asa ba me·chik ine ra·gija MLA inesa ra·china Ampareen Lyngdoh aganaha. “MP ong·aniko ka·mabatgipa gadango ong·gipa manderangming bak nangatna nangani ong·enga, aro anga bebera·a, anga iako chu·sokatna man·gen” Lyngdoh aganaha.

NPP partyde je kamkoba chu·sokate dongipasa, tong·sa dake ba eleksino dakmike mesokgipa ong·ja ineba ua aganaha.

“Angade me·asarangni ba me·chikrangni MLA ong·ja, jinmani MLAsa. Angni me·chik ong·anikode gualbo, anga me·asarang gitan apsan kam man·a ine na·simangna mesokna kang·kare kaa. Angko me·chik ong·ana mikkang niede MP seoknabe, uade nitoja; angni pilak kamrang aro chu·sokanirango pangchakesa angko seokbo. Da·alo iano anga Meghalayao songdonggipa saksa ong·e chadengenga, aro anga bebera·a, anga dakgniko dakgen aro raken kam ka·gen.”

Tom·ani ja·mano Ampareen Lyngdoh songni nokni manderangming golpoe roe uamangni pilak duk sukni kattarangko knatimaha.

Iakoba poraie nina man·gen: Upper Assamo Republic Day maniako ULFA-I dagrangsoa; bobiloni naljokna police dol mikraksoa

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub