Bhubaneswar,May 18: Odisha, Rayagada district-ni Kalyansinghpur block-ni ning·o ga·akgipa aro a·dokni dam 36-gipa song damsao songdongenggipa Dongaria Kondh jatrangoni bang·aan uamangni game-ge·e man·gipa biterangko salanti cha·gipa bajarrango paleming Covid-19 sabisiko man·e satokaha.
Odisha a·dokni namen diltubegipa aro galchipa man·gipa songadam biaprango songdonggipa dingtang dingtang jatrangoni komibeoba sak 61-mango sabisiko rim·a man·enggenchimoba Dongaria Kondh tribal jatrang sabisina porikka ka·angna gita jechaktokenga ine officialrang u·iataha.
Dongaria Kondh tribal mande sak 19-oniko sabisiko rim·a man·ani ja·man, Covid sabisiko man·na altuagipa a·dokni dol 13 particularly vulnerable tribal groups (PVTG)o ga·akgiparangoni saksako Covid positive man·aha. Indake, bang·a manderangkoba porikka ka·na gita Parsali-ni Niyamgiri a·bri kosako sanchakram a·tipko rikahachim, indiba tribal saksaba porikka ka·angtokjaha aro sorkarini on·enggipa sana-bananio ka·dongchakna man·ja ine uamangni dilgipa aganaha.
“Chinga uamang jatni dilgipa baksa agangrikaha aro changsatai agangriktaigen. Chinga uamangoniko sample ra·na re·bapilgen,” ine Kalyansingpur BDO, Kalucharan Nayak agan-talataha.
Jatko re·dilenggipa Sakaka Ulaka, jean Niyamgiri Suraksha Manch-ni saksa dilgipa ong·a, uni aganani gita, donggijagipa sabisina porikka ka·e maming namgni dongja. “Niyam Raja-kosa chinga olakia, chinga mamingba ong·jawa” ine Ulaka aganaha.
Iani bidingo officialrang aro sandie nigiparangni aganani gita, bebera·atang dongani gimin uamang sajinmana tika su·anikoba jechaktoknaba gnang. Ma·mong sorkarini project-na saksa tribal researcher-ni kamko ka·gipa ong·eba, anga uamangko bebera·atna man·jaha,” ine Koraput-oni Council of Analytical Tribal Studies-oni saksa PC Mohapatra parakataha.
Re·anggipa April jaonin Bondas, Dongaria Kondh aro Kharia jatrangko man·chape PVTG-ni sak 61 manderango Odisha a·doko Covid-19 sabisiko rim·a man·aha.
Indake ong·engon, quick response team-ni saksa membor Dr Uttam Dash-ni aganani gita, saksa-sakgipinoni chel·tanggrike dongna aro mikkango mask-rangko ganna nangchongmotaniko tribal manderangna chinga ma·siate on·angaha. “Sagiparangoni bang·batan noktangtango nape dongenga aro gimikan an·sengtokenga,” ineba ua agandapataha.
