30.6 C
Tura
spot_img

OHAI-ni 9 gipa Annual Conference-ko NEHU-o ong•ata

Must read

Shillong, Mar 13: Chang 9 gipa Oral History Association Of India (OHAI)-ni Annual Conference-ko, North Eastern Hill University, Shillong-ni gitcham U Kiang Nongbah Guest House-o Budhbar salo ong•atenganiko, Education Minister, Rakkam A Sangma oprake on•angaha.

Ia sal 3-ni Annual Conference-ko, “Mountain History: At the Intersection of Memory, Politics and Identity” ine katta bichongko donenba, Department of Journalism aro Mass Communication, North Eastern Hill University (NEHU), Shillong aro Northeast India AV Archive, St. Anthony’s College, Shillong baksa nangrimenba Japan-ni Sasakawa Peace Foundation-ni dakchakaniko man•e, nangrime ong•atenga.

Advertisement

Indake ia tom•anio Education Minister Rakkam A Sangma aganengon, jatni dakbewal rikbewalrango ja•dil su•e mangrake dongani gimin aganan baksa, oral traditions-ni be•gruangenganiko ba gitcham chasongrango jakkalronggipa ba aganritingbagipa dakbewalrangni gimaangenganiko ripinge rakkichinaba salgro salaram jolni manderangko ua didiataha.

Unbaksana, Meghalaya a•doko jatni dakbewal rikbewalrangko skulni a•bachenggipa gadangrangonin skie on•a gita skulni curriculum-o ra•gatna inenba a•dokni Education Department jotton ka•enga ineba ua janapataha.

Advertisement

NEHU-ni Vice Chancellor, Prof. Prabha Shankar Shukla-ba, ia programme-ko ong•atenba, a•songni dingtang dingtang bakoni mingsinggipa gisik a•ning bitgipa manderangko, skie on•enggiparangko, sanrikitaniko dakgiparangko aro scientist-rangko damsan gronggrikna cholko on•enganina, programme-ko ong•atenggipa dolrangko mitelpilskaaniko dakangaha.

OHAI's 9th annual conference explores Mountain history and Oral traditions held in NEHU

Indake, OHAI-ni President, Vrunda Pathare, OHAI-ni ong•bachengani itihas-ni gimin aganan baksa, sakantian ia aganritingbaenggipa bewalrangko jakkalbaenga indiba uarangko ja•rikrongja. Ia conference-ko, a•dokni itihas aro jakkalenggipa dakbewal rikbewalrangni gimin aro a•brio janggi tangenggipa songsalni gimin aganritingbaanirangko  aro namdapatna nanganirangko  chanrimaniko dakna ine miksongenba ong•atenga ine ua talate on•angaha.

Na·simang iakoba poraina man·gen: TMC, BJP baksa sriksrik bakrimenga ine Cong matnanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

spot_img

More articles

spot_img
-->

Latest article